Quloq tomoq

I bosqich.  O‘sma hiqildoqning bir bo‘limi chegarasida 
joylashgan, masalan, tovush burmalarida. Metastaz ber-
magan.
II bosqich.  O‘sma hiqildoqning yaxlit bir bo‘limini 
egal lagan. Metastaz bermagan.
III bosqich. O‘sma hiqildoqning boshqa bo‘limlariga 
o‘tadi. Regionar limfatik tugunlarda metastazlar kuzatiladi.
IV bosqich. Hiqildoq o‘smasi boshqa qo‘shni a’zolarga 
tarqalgan bo‘lib, regionar metastazlar hamda kaxeksiya 
kuzatiladi.
Klinik manzarasi. O‘sma joylashishiga va tarqalishi-
ga bog‘liq. Tovush burmalari rakida boshlang‘ich va eng 
ahamiyatli simptom – bu tovushning xirillab chiqishi. 
O‘sma hiqildoqning yuqori qismida lokalizatsiya bo‘lganda 
(hiqildoq dahlizida) tomoq qichishi, bir narsa borligiga 
o‘xshash his, yutinganda diskomfort va quloqqa tarqaluv-
chi og‘riq kuzatiladi. O‘sma kengroq tarqalganda disfagiya 
va og‘riq kuchayib boradi. Hiqildoqning burma osti rakida 
asta-sekin nafas olishning qiyinlashuvi va tovushning xiril-
lashi kuzatiladi.
Yuqorida aytib o‘tilgan belgilar o‘sma va uning atrofi-
dagi to‘qimalar kattalashgan sari kuchayib boradi.
Hiqildoq stenozi asta-sekin rivojlanib, bemorning umu-
miy ahvoli og‘irlashadi. Bo‘yin oldi va yon yuzalaridagi 
re gionar limfatik tugunlar metastazli, kattalashgan, qattiq, 
paypaslaganda og‘riydi. Kaxeksiya rivojlanadi.
Tashxis laringoskopiya va laringostroboskopiya, fib ro-
larin goskopiya, rentgenologik tekshiruv natijalariga aso san 
qo‘ yi ladi. Tashxisni tasdiqlashda biopsiya katta ahamiyatga 
ega.
Ovozlari anchadan beri xirillab qolgan, surunkali giрer-
plastik jarayonlar kuzatilayotgan, hiqildoq shilliq pardalari 

---

177
bir tomonlama zararlangan bemorlar onkologik jihatdan 
ancha  xavfli  hisoblanadilar.
Davolash  nur bilan, jarrohlik, kimyoterapevtik usulla-
ridan iborat. Xavfli o‘smalarning oldini olish chora-tad-
birlarini kuzatishda shaxsiy gigiyenaga, yashash va mehnat 
sharoitlarini sog‘lomlashtirish bo‘yicha tadbirlarga alohida 
e’tibor qaratish kerak. Kasbga oid zararli omillar bilan 
ishlaydigan, hiqil doqning surunkali kasalliklari va rak oldi 
holatlari bo‘lgan, uzoq muddat chekib yurgan kishilarni 
profilaktik ko‘rikdan o‘tkazish kerak.