Qоzоqbоy yO‘ldоshеv, vаlijоn qоdirоv, jаlоlbеk yO‘ldоshbеkоv

Olimjon: — Ha.
qo‘chqor: — Agar qiyomatlik aka-uka bo‘lsak… (Alomatga qa-
rab qo‘yib.) Eshitmaydi-a?
Olimjon: — Eshitmaydi.
qo‘chqor: — Agar qiyomatlik aka-uka bo‘lsak, bitta ukalik qila-
san, Olimtoy. 
Olimjon: — Xo‘sh.
qo‘chqor: — Bilasan, kennoying ketib qoldi! Shu, desang, xo-
tinsiz uy uymas-da. Na kiyinishingda tartib bor, na issiq-sovug‘ing-
da tayin bor, qidirgan narsang topilmaydi, padariga la’nat! Xullas, 
qiyin-da. Shu, Alomatxon ro‘zg‘orga sal munday… nima deydi… qa-
rashib tursa-a, devdim-da, ukam.
Olimjon: — Bemalol. Nima ish buyursangiz, bajaraveradi.
qo‘chqor:  — To‘g‘ri-yu… Lekin shu desang… (Alomatga  qa-
rab qo‘yib.) Eshitmaydi-a? Shu desang, uy ishlarini-ku qilaveradi, gap 
undamas. Ishdan charchab kelganingdan keyin mundoq oyoqni uza-
tib, dunyoning past-balandidan suhbat qilsang-a, haligidaqa ikki og‘iz 
shirin so‘z bilan choy uzatsa, a, charchoqlar yozilib, dildagi g‘uborlar 
forig‘ bo‘larmidi-i, degan gap-da bizniki. Vey, yaxshi gapning gado-
simiz, Olimtoy!
Olimjon: —Mayli, Qo‘chqor aka, qaytanga ishlab turgani yax-
shi, bahonada men ham u-bu kamchiligini ko‘rib olaman. (Turmoqchi 
bo‘ladi)
qo‘chqor:  —  (Yengidan  tortib)  O‘tir.  Gap,  Olimtoy, 
Alomatxonning menga ko‘rsatadigan xizmatida emas, gap ko‘ngilda. 
Bitta ovqat-u sigir sog‘ish bo‘lsa, qo‘shniyam qilib berishi mumkin. 
Lekin kechqurun ishdan kelganingda peshvoz chiqib, „Yaxshi keldin-
gizmi, dadasi“, desa. Ertalab ishga ketayotganingda, „Yaxshi borib 
keling“, desa. A? Mana bu ishni, Olimtoy, qo‘shning qilib berolmaydi. 
(Ilmoqli.) Tushunyapsanmi?
Olimjon: — (Beparvo.) Xo‘p, dedim-ku, Qo‘chqor aka. Ishdan 
qochmaydi, gapingizdan chiqmaydi. Bemalol. (Turmoqchi bo‘ladi.)

---

274
qo‘chqor:  — E, o‘tir! Endi-i, Olimtoy… (Alomatga  qarab 
qo‘yib.) Eshitmaydi-a? Endi-i, Olimtoy, o‘zingdan qolar gap yo‘q. 
Buyog‘i — qishloqchilik: birov u deydi, birov bu deydi — elning og‘zi-
ga elak tutib bo‘lmaydi, xo‘p-mi? Yo‘q, yo‘liga-da, yolg‘ondakamiga!.. 
Shu, bir-ikkita mo‘ysafidni chaqirib, bir oshamgina osh bilan fotihaga 
o‘xshagan gap qivorsak, a?
Olimjon: —Iye, o‘ylab gapiryapsizmi, Qo‘chqor aka? Nima, 
odamlarga kulgi bo‘lmoqchimisiz? Aytgan chizig‘ingizdan chiqmasa, 
hamma ishingizni qilsa — sigir sog‘ishmi, kir yuvishmi, ovqat-povqat  
deganday, fotihaga balo bormi! E, tavba… Xo‘p, erta yo indin terim 
boshlanadi. Alomat sinovga chiqishi kerak, unda nima bo‘ladi?