Qo‘yochilik fermalarida jun qirqish va junga birlamchi ishlov berishni mexanizasiyalash Reja: Jun qirqish, unga qo‘yiladigan asosiy zootexnik talablar, jun qirqish usullari

AVP-12 echkilardan tivit jun olish agregati (3.8.8-rasm). Respublikamizning tog‘li hududlarida echkichilik xo‘jaliklari mavjud bo‘lib, bu fermalardagi asosiy mahsulotlar tivit jun, parxez sut va go‘sht etishtirishdir. Bu turdagi echkichilik fermalaridagi asosiy jarayonlardan biri echkilardagi tivit junni olishdir. Bu ko‘p mehnat talab etadigan jarayon bo‘lib, qo‘lda bajarilganda bir ishchi tomonidan bir kunda 5...10 ta echkining jami 1,5...2 kg tivitini olish mumkin.
Echkining tivit junini mexanizatsiyalashtirilgan usulda olish uchun AVP-12 agregati ishlatiladi. Agregat 12 ta tebranuvchi taroqli mashinka, IE-9401 rusumli elektr tokining chastotasini o‘zgartiruvchi apparat va elektr tokini uzatish jihozlaridan iborat.


3.8.8-rasm. AVP-12 echkilardan tivit jun olish agregati:
1, 2-taroqlar; 3-polzun; 4-korpus; 5-val; 6-barmoqlar; 7-rolik; 8-vtulka;
9, 11-shesternyalar; 10-elektr dvigateli; 12, 13-konusli shesternyalar;
14-qopqoq; 15- yo‘naltirgich; 16-mahkamlash vinti; 17-qistirma
Mashinka o‘z navbatida taroq, korpus, elektr dvigateli va elektr dvigatelining aylanma harakatini taroqning ilgarilama-qaytma harakatiga aylantirib beruvchi uzatish mexanizmidan iborat. Mashinka tarog‘ining 5 ta 112 mm li uzunlikdagi pastki tishi 6 ta uzun tishli (124 mm) yuqori taroqlar orasiga joylashtirilgan. Taroq tishlari diametri d=3 mm li bo‘lib, ularning qadami 17 mm va uchlari ilgakli, radiusi 14 mm.
Mashinka quyidagi usulda ishlaydi. Elektr dvigatelidan kelayotgan aylanma harakat vertikal valga uzatiladi. Bu valda val markaziga nisbatan 6 mm va 12 mm bir biriga nisbatan siljigan holda barmoqlar o‘rnatilgan. Har bir barmoqqa polzunga presslangan roliklar, vtulkaning bo‘ylama tirqishlariga kiruvchi roliklar mavjud. Ish jarayonida yuqori va pastki tarmoqlar va ularga mahkamlangan tishlar bir-biriga nisbatan bo‘ylama yo‘nalishda 24 mm li amplitudada harakatlanadi.
3.8.4-jadval
AVP-12 agregatining texnik tavsifnomasi

№ t.b.	Ko‘rsatkichlar	O‘lchov birligi	Miqdori
1	Unumdorligi	bosh/soat	15...20
2	Mashinkalar soni	dona	12
3	Elektr dvigatellarining quvvati	kVt	5,8
4	Mashinkalarning qamrash kengligi	mm	93
5	Taroqlarning tebranish chastotasi	Gs	28...31
6	Xizmat ko‘rsatuvchilar soni	odam	13
7	Agregatning massasi	kg	120
8	Mashinkaning massasi	kg	1,5