Qo‘yochilik fermalarida jun qirqish va junga birlamchi ishlov berishni mexanizasiyalash Reja: Jun qirqish, unga qo‘yiladigan asosiy zootexnik talablar, jun qirqish usullari

Jun qirqish agregatlari. Jun qirqish agregatlari fermalarida hayvonlarning junini qirqishga mo‘ljallangan va mashina va qurilmalar tizimidan iborat bo‘lgan texnika vositasi hisoblanadi. Fermalarda ularning hajmiga bog‘liq ravishda turli xildagi jun qirqish agregatlari ishlatiladi (3.8.2-jadval).

3.8.1-jadval

Jun qirqish mashinkalarning texnik tavsifnomalari

№	Ko‘rsatkichlar	O‘lchov birligi	Mashinkalar
			MSO-77B	MSU-200
n/n	1	2	3	4
1	Mashinkaning qamrash kengligi	mm	76,8	76,8
2	Qirqish balandligi	mm	5….8	4…8
3	Pichoqning ikkilanma yurishlari soni	min^-1	2300	2200
4	Pichoqdagi tishlar soni	dona	4	4
5	Taroqdagi tishlar soni	dona	13	13
6	Taroq qalinligi	mm	3,2	3,2
7	Pichoq qalinligi	mm	1,1…2,0.	1,1…2,0
8	Pichoq tishini charxlash burchagi	grad	65	65
9	Elektr dvigateli quvvati	kVt	0,12	0,115
10	Massasi	kg	1,1 egiluvchan valsiz	2,1 ta’minlash shnuri bilan

ESA-1D jun qirqish agregati. Bu agregat hajmi 1000 boshgacha qo‘yi bo‘lgan kichik fermalar uchun mo‘ljallangan bo‘lib, bir dona MSO-77B rusumli jun qirqish mashinasi, VG-10 rusumidagi egiluvchan harakat uzatuvchi val, elektr dvigateli va elektr boshqaruv jihozlaridan iborat (3.8.3-rasm).
ESA-1/200 jun qirqish agregati. Bu agregat shaxsiy (dehqon) xo‘jaliklar tarkibidagi kichik hajmli mikrofermalar uchun mo‘ljallangan bo‘lib, MSU-200 jun qirqish mashinasi, PCHSF-0,25-36-200 rusumidagi elektr tokining chastotasini o‘zgartirgich va boshqa elektr jihozlari bilan ta’minlangan.
ESA-12G jun qirqish agregati. Bu rusumdagi agregat hayvonlar soni 10000 boshgacha bo‘lgan qo‘ychilik fermalari uchun mo‘ljallangan. Agregat tarkibida 12 ta ESA-1D agregati, charxlash apparati AB-4T-400 rusumidagi elektr stansiyasi, elektr jihozlari mavjud. Agregat 220/380 V kuchlanishli 3 fazali elektr tarmog‘i yordamida ishlaydi. YAylov sharoitida AB-4T-400 tarkibidagi ko‘chma elektr stansiyasi yordamida ishlaydi.

3.8.3-rasm. ESA-1D jun qirqish agregati:
1-magnitli yurgizgich (PVN-30); 2-elektr dvigateli ilgagi; 3-elektr dvigateli (AOL-012-2S); 4-egiluvchan val (VG-10); 5-jun qirqish mashinkasi (MSO-77B);
6-mashinkaning ilgagi.