Qosimova feruza xursanali qizi

FOYDALANILGAN DABIYOTLAR
…………………………………….
82 

---

3 
KIRISH 
Tadqiqot mavzusining dolzarbligi va muammoning o’rganilganlik 
darajasi. 
O’zbekiston Respublikasi mustaqillikka erishgandan so’ng xorijiy tillarni 
jadal o’rgatish ijtimoiy ehtiyojga aylandi va davlat siyosati darajasiga ko’tarildi. 
Ushbu masala yuzasidan O’zbekiston Respublikasi Prezidenti I. A. Karimov 
shunday degan edi: “Hozirgi paytda xorijiy tillarni o’rganish va o’rgatishga 
yurtimizda katta ahamiyat berilmoqda. Bu ham, albatta, bejiz emas. Bugun jahon 
hamjamiyatidan o’ziga munosib o’rin egallashga intilayotgan mamlakatimiz 
uchun, chet ellik sheriklarimiz bilan hamjihatlikda, hamkorlikda o’z buyuk 
kelajagini qurayotgan xalqimizga xorijiy tillarni mukammal bilishning ahamiyatini 
baholashning hojati yo’qdir” [2:44].
Mustaqillik munosabati bilan ta’lim-tarbiya sohasida katta o’zgarishlar yuz 
berdi. O’rta umumta’lim maktablari o’quvchi va nofilologik oliy o’quv yurtlari 
talabalarining tilga oid va kasbiy malakalari, albatta, o’qitiladigan fanlar 
yordamida singdiriladi. O’quv rejasidagi o’quv predmetlari o’quvchi va talabalar 
faoliyatida zaruriy tarkibiy qism hisoblanadi, zero ularning o’rganilishi yagona 
maqsad – zamonaviy talablarga javob beradigan malakali mutaxassislar 
yetishtirishga qaratilgandir.
Ma’lumki, jahon xalqlari erishgan boy fan-texnika yutuqlaridan bahramand 
bo’lish uchun xorijiy tillarni o’rganish zarurdir, chunki ilmiy-texnikaviy axborot 
(informatsiya) til orqali o’zlashtiriladi.
Hozirgi paytda mutaxassislar tayyorlashda chet til predmetining o’rnini hech 
kim inkor etmaydi va biror bir chet tilni bilish oliy hamda o’rta maxsus o’quv 
yurtini tugatayotgan mutaxassis umumiy madaniyatining ajralmas bo’lagi ekanligi 
barchaga ma’lumdir [18:2; 50].
O’rta maktab va nofilologik oliy o’quv yurtlarida chet til jumladan ingliz tili 
umumta’limiy o’quv predmeti sifatida o’qitilmoqda. Mazkur o’quv yurtlarida 
ingliz tilini o’rgatish o’ziga xos xususiyatga ega bo’lib, maxsus o’quv dasturi va 
o’qitish metodikasini qo’llashni taqozo etadi. Mavjud o’quv dastur, darslik, ilmiy-

---

4 
metodik adabiyotlarni atroflicha tahlil qilish shuni ko’rsatadiki, o’quvchi va 
talabalarni yetuk mutaxassis bo’lib yetishishlarida chet til, jumladan, ingliz tilining 
ham muhim o’rni bor. 
Ingliz tili ta’limining amaliy maqsadini ro’yobga chiqarishda, ya’ni 
axborotlarni til vositasida berish va qabul qilishda o’quvchilar tilga oid bilim, 
ko’nikma hamda malakalarni egallaydilar, ixtisoslik fanlaridan sohaviy 
ma’lumotlarni o’zlashtiradilar va, pirovard natijada, kamolotga erishadilar. Ingliz 
tilidan mutaxassislik bo’yicha sohaviy matnlarni o’qish esa o’quvchi va talabalarni 
dasturiy bilimlarini yanada boyitishi, jumladan, kasbga oid sohaviy atamalarni 
puxta o’zlashtirishlariga o’zining ijobiy ta’sirini ko’rsatadi.
Chet tillar, jumladan, ingliz tilini o’rganish

o’rgatish hozirgacha zamonaviy 
talablar darajasida emasligi barchaga ayondir. Bunga sabab ingliz tili 
o’qituvchilarining kasbiy (professional) saviyasining yetarli darajada emasligi, 
darslarda yangi pedagogik texnologiyalarning qo’llanilmasligi, o’rganilayotgan 
ingliz tili tabiiy muhitining mavjud emasligi kabi sabablarni e’tirof etish mumkin. 
Ingliz tili o’qitishga qo’yiladigan zamonaviy talablarni hisobga olgan holda, 
mazkur ilmiy muammoni fanda qay darajada yoritilganligini o’rganishga to’g’ri 
keldi. O’zbekiston va xorijiy mamlakatlar olimlari tomonidan chet til o’qitish 
muammolari tadqiq qilingan (H. Palmer, M. Uest, I. V. Raxmanov, I. A. 
Zimnyaya, J. J. Jalolov, J. B. Bo’ronov, O’. Q. Yusupov, A. E. Mamatov, M. J. 
Jusupov, M. E. Umarxo’jaev, T. Q. Sattorov, V. I. Andriyanova, M. X. 
To’xtaxo’jaeva, M. S. Dadaxo’jaeva, S. S. Saydaliev va b.).
Ingliz tili o’qitishning dolzarb muammolari so’nggi yillarda xalqaro, 
mintaqaviy va respublika miqiyosida o’tkazilgan qator ilmiy-amaliy anjumanlarda 
ham muhokama qilib kelinmoqda. O’zbek auditoriyasida chet til o’qitish sohasida 
ham tadqiqotlar olib borildi (A. I. Axmedxodjaeva, A. M. Mamadaliev, V. B. 
Lapshin, A. M. Yuzlikayeva, M. Choriev, Q. Q. Qiyasova, H. T. Mustafaeva, N. 
D. Shirinova va b.).

---

5 
Ingliz tili o’qitish nazariyasi va metodikasi sohasida kontseptsiyalar, ko’plab 
ilmiy asarlar yaratildi va ular, o’z navbatida, o’rta maktab va oliy ta’lim tizimida 
ingliz tili o’qitishning nazariy asoslari sifatida qo’llanilmoqda. Mazkur o’quv 
yurtlarida chet til, jumladan, ingliz tili bo’yicha davlat ta’lim standarti, o’rta va oliy 
ta’lim to’g’risidagi Nizom, dastur, monografiyalar, o’quv qo’llanmalar nashr etildi.

Muhokama qilinayotgan mavzuning dolzarbligi, bir tomondan, uning ijtimoiy 

ahamiyati bilan belgilansa, ikkinchidan, mazkur muammo bo’yicha hozirgacha 
nufuzli ilmiy-pedagogik tadqiqotlar olib borilmaganligidadir. Hozirgacha himoya 
qilingan dissertatsion ishlar orasida til ta’limini didaktik asoslari talqiniga u yoki 
bu darajada dahldorlari uchraydi.
Mavzuning dolzarbligi shunda ko’rinadiki, bir necha tillarni o’qitishning 
o’ziga xos xususiyatlari, mazkur sharoitda uch tilni o’qitish, milliy auditoriyada 
chet tilni o’rgatishning nazariy asoslari bir qadar ishlab chiqilgan bo’lishiga 
qaramasdan, o’quvchi va talabalarini sohaviy bilimlarni egallash, kasbiy 
atamalarni o’zlashtirishlarida tillar, jumladan, ingliz tilining o’rni, ixtisoslik fanlari 
bilan uchala til o’rtasidagi bog’liqlik tomonlari ilmiy tadqiq etilmagan. 
Yuqorida nomlari keltirilgan tadqiqotlardan farqli o’laroq, ushbu dissertatsion 
ish o’rta maktab va nofilologik oliy o’quv yurtlarida ingliz tili o’qitishning qiyosiy 
tahlili masalalariga bag’ishlanadi. Ayniqsa, o’quv soatlari xajmi chegaralangan, 
ingliz tili tabiiy muhiti bo’lmagan va ta’lim maqsadlari o’ziga xos bo’lgan ushbu 
ikkita o’quv yurti o’quvchilariga ingliz tilini o’rgatish o’zgacha uslub hamda 
lingvodidaktik qonuniyatlarni amal qilinishini talab etadi. Bu muammoning 
yechimini topish vazifasi va uni nazariy asoslash hamda amaliy jihatdan ishlab 
chiqish hanuz yetarli darajada o’rganilmaganligi mazkur tadqiqot ishini