Qoraqalpoq davlat universiteti Iqtisodiyot Fakulteti Iqtisodiyot Kafedrasi 2-g guruh Talabasi Allabergenov Otajonning Menejment Fanidan Tayyorlagan Mustaqil Ishi

Mazkur mamlakatlarning savdo-sotiq sohasidagi oʻzaro aloqalar. 1990 yillarning boshlarida AQSh ga Kanadaning 7-80% (yoki Kanadaning VNP 20%i) eksporti safarbar etildi. AQSh uchun Kanada bozori chet elda yuqori oʻrinda turadi. Bevosita xorijiy sarmoyalar ulushi Amerikada Kanadaga nisbatan 7%ni, Kanadaning Amerikaga nisbatan ulushi esa 9%ni tashkil etadi. Meksika davlati uchun AQSh bilan iqtisodiy aloqa oʻrnatish hayotiy zaruratdir. 1990 yillarning boshlarida AQSh ga Meksikaning 70% eksporti yuborildi, u erdan esa 6% Meksika importi kelib tushdi. Ayni vaqtda Meksika va Kanada oʻrtasida aloqalar taboro rivojlanib, savdo-sotiq, moliya va boshqa sohalarda oʻzaro hamkorlik kuchaydi.

Xalqaro moliya tashkilotlari. Mamlakatlararo tashkilotlarning tashkil topishi 1929-1933 yillardagi jahon iqtisodiy inqirozi ta’sirida boshlandi. Xalqaro tashkilotlar ishtirokchi mamlakatlar moliyaviy resurslarining birlashishi natijasida vujudga keladi. Bunday tashkilotlarning tashkil topishidan asosiy maqsad-hamkorlikni rivojlantirish, birlikni ta’minlash, qiyin vaziyatlarni stabillashtirishdir. Xalqaro valyuta va moliya-kredit tashkilotlarining faoliyat doirasi xalqaro valyuta va fond bozorlarida operatsiyalarni amalga oshirish, xalqaro savdoni qoʻllab-quvvatlash, investitsion faoliyatni, mamlakat loyihalarini kreditlash, fundamental ilmiy tadqiqotlarni moliyalashtirishga qaratilgan.

Jahon banki guruhiga quyidagi tashkilotlar kiradi: Xalqaro qayta qurish va rivojlanish banki; Xalqaro qayta qurish va rivojlanish bankining uchta filiali: Xalqaro rivojlanish assotsatsiyasi, Xalqaro moliya korporatsiyasi, Koʻp tomonlama investitsion-kafolat agentligi. Yuqorida nomlari keltirilgan tashkilotlar har biri mustaqildir, ammo ularni yagona boshqaruv organi birlashtirib turadi. Xalqaro qayta qurish va rivojlanish banki-qashshoq, oʻrtacha yashash darajasiga ega, ammo toʻlov qobiliyatiga ega boʻlgan mamlakatlarni rivojlantirish uchun kreditlar beradi. U strategik maqsadlarni amalga oshiruvchi, a’zo mamlakatlar iqtisodiyotini integratsiya qiluvchi tashkilot sifatida tan olingan.