Qoraqalpog’iston davlat universiteti buxgalteriya xisobi va audit (tarmoqlar bo’yicha) ta’lim yo’nalishi

8-chizma. Avtonom investitsiyalar grafigi

ko`p bo`lganda xam mamlakatdagi boshka resurslari mikdorining cheklanganligi tufayli investitsiya xarajatlari ma`lum mikdor bilan chegaralanadi.

Hozirgi global moliyaviy-iqtisodiy inqiroz sharoitida milliy iqtisodiyot samaradorligini ta'minlashda ichki va tashqi talab o‘rtasidagi mutanosiblikni ta'minlash, bunda ichki talabni rag‘batlantirish muhim yo‘nalishlardan biri bo‘lib hisoblanadi. Chunki, ishlab chiqarilgan tovarlarga talab yetarli bo‘lmasa uni sotish va, binobarin, xarajatlarni qoplab, ma'lum foyda olish mumkin bo‘lmay qoladi. Global darajadagi yalpi talabning qisqarishi ham tashqi ham ichki bozorlardagi muvozanatning buzilishiga olib kelmoqda. Shunga ko‘ra, O‘zbekistonning Inqirozga qarshi choralar dasturida asosiy yo‘nalishlardan biri – bu mahsulotlarimizga tashqi talab qisqarayotgan bir sharoitda ichki talabni har tomonlama qo‘llab-quvvatlashdan iborat.

Mamlakatimizda ichki talabni qo‘llab-quvvatlash orqali tarmoqlar o‘rtasidagi mutanosiblikni ta'minlash bir qator yo‘nalishlarda amalga oshirilishi zarur. Bulardan asosiylari sifatida quyidagilarni keltirish mumkin:

- mahalliy ishlab chiqaruvchilar mahsulotlarining raqobatbardoshligini oshirish;

- ularni imtiyozli kreditlar ajratish orqali qo‘llab-quvvatlash;

- eksportbop mahsulotlar ishlab chiqaruvchi korxonalarga byudjet-soliq imtiyozlarini berish;

- eksport salohiyatini rivojlantirish hamda mahalliy mahsulotlarni tashqi bozorlarga olib chiqishga ko‘maklashish;

- mahalliy ishlab chiqaruvchilar mahsulotiga bo‘lgan ichki talabni rag‘batlantirish.

Mahalliy ishlab chiqaruvchilarni qo‘llab-quvvatlashda asosiy e'tibor eksportga mahsulot chiqaradigan korxonalarning barqaror ishlashini ta'minlashga qaratilmoqda. Chunki, hozirgi sharoitda eksportga mahsulot chiqarishni o‘ylamagan mamlakat uzoq muddatli taraqqiyotga erisha olmaydi.

Eksportni rivojlantirish esa mahalliy ishlab chiqaruvchilar mahsulotlarining raqobatbardoshligini oshirishni taqozo etadi. Bunga faqat mahsulot tannarxini pasaytirish orqali erishish mumkin.