Qora qalpoq indd

Hújjetlerdiń áhmiyetlilik qunın ekspertiza etiw
Hújjetlerdiń áhmiyetlilik qunın ekspertiza etiwdi 
shólkemlestiriw hám ótkeriw, sonday-aq, boysınıwshı 
shólkemlerdiń ekspert xızmeti iskerligin qadaǵalaw ushın 
shólkemlerde turaqlı xızmet kórsetiwshi oraylıq ekspert 
komissiyaları (OEK) shólkemlestirildi.
Ministrlikler, mákemelerge qaraslı shólkemler hám 
strukturalıq bólimlerde hám de jámiyetlik shólkemlerdiń 
oraylıq organlarında turaqlı xızmet kórsetiwshi 
ekspert komissiyaları (EK) shólkemlestiriledi. Ekspert 
komissiyaları haqqındaǵı nızamlar ámeldegi úlgi 
qaǵıydalar tiykarında islep shıǵıladı, arxiv mákemeleri 
menen kelisiledi hám shólkem baslıǵı tárepinen 
tastıyıqlanadı. Ekspert komissiyaları másláhát organları 
esaplanadı, olardıń qararları shólkemler baslıqları 
tárepinen tastıyıqlanadı.
Áhmiyetlilik qunı ekspertizası nátiyjeleri boyınsha 
turaqlı hám uzaq waqıt saqlanatuǵın hújjetler dizimi 
dúziledi.
Hújjetler hám hújjetler papkaların joq etiwge tańlap 
alıw akt penen rásmiylestiriledi; hújjetler hám hújjetler 
papkaların joq etiwge ajıratıw haqqındaǵı aktler ekspert 
komissiyası májilislerinde hújjetler papkaları dizimleri 
menen bir waqıttıń ózinde kórip shıǵıladı.
Hújjetlerdi mámleket saqlawına tapsırıwshı shólkemler 
ushın aktler, turaqlı saqlanatuǵın hújjetler papkaları dizimi 
arxiv mákemeleriniń ETK tárepinen tastıyıqlanǵannan 
soń, shólkem baslıǵı tárepinen tastıyıqlanadı. Aktler 
tastıyıqlanǵannan keyin, joq etiwge ajıratılǵan hújjetler 
hám hújjetler papkaları hújjetlestiriwdi támiyinlew 
xızmeti yamasa shólkemniń keńselik arxivi xızmetkerleri 
tárepinen ekilemshi shiykizat tayarlawshı mákemege 
tapsırıladı. 
Hújjetler papkaların rásmiylestiriw
Turaqlı hám uzaq waqıt saqlanatuǵın hám de jeke 
quram boyınsha hújjetler papkaları tolıq rásmiylestiriledi, 
onda tómendegiler názerde tutıladı: hújjetler papkaların 
tigiw hám muqabalaw, hújjetler papkasındaǵı betlerdi 
tártip nomerleri menen belgilew, hújjetler papkasın 

---

342
343
tastıyıqlawshı betti dúziw, zárúr jaǵdaylarda hújjetlerdiń 
ishki dizimin dúziw, hújjetler papkası muqabaları 
rekvizitlerin rásmiylestiriw.
Hújjetler papkaları betleri qara qálem menen yamasa 
nomerlewshi menen bettiń joqarı oń múyeshine, hújjet 
tekstine tiyip ketpesten, «bet» (b) sózisiz hám irkilis 
belgilerisiz tártibi menen belgilenedi.
Turaqlı hám uzaq waqıt saqlanatuǵın hújjetler papkası 
muqabası belgilengen forma boyınsha rásmiylestiriledi.
Turaqlı hám uzaq waqıt saqlanatuǵın hújjetler papkası 
muqabalarındaǵı jazıwlarǵa jıl juwmaqlanǵannan soń, 
anıqlıqlar kirgiziledi: hújjetler papkaları muqabasındaǵı 
temalardıń tigilgen hújjetler mazmunına muwapıqlıǵı 
tekseriledi, zárúr jaǵdaylarda hújjetler papkası temalarǵa 
qosımsha maǵlıwmatlar kirgiziledi.
Muqabadaǵı sáne hújjetler papkasınıń júrgizile 
baslaǵan hám juwmaqlanǵan jılǵa muwapıq keliwi kerek, 
hújjetler papkası júrgizile baslaǵanınan aldınǵı jıllarǵa 
tiyisli hújjetler bolǵan hújjetler papkasında sáne astına 
«…jıllarǵa tiyisli hújjetler bar» dep jazıp qoyıladı. 
Bir neshe tomlar (bólimler) dan ibarat bolǵan hújjetler 
papkaları muqabalarına hár qaysı tom (bólim) hújjetleriniń 
aqırǵı sánesi qoyıp shıǵıladı.
Anıq kalendar sánesi belgilengende jıl, kún, ay 
kórsetiledi. Kún hám jıl arab sanlarında belgilenedi, ay 
atı sóz benen jazıladı.
Shólkem (onıń strukturalıq bólimi) atı hújjetler qamtıp 
alatuǵın waqıt dawamında ózgergende yamasa hújjetler 
papkası basqa shólkem (strukturalıq bólim) ge berilgende 
muqabaǵa usı shólkem (strukturalıq bólim) niń jańa atı 
jazıp qoyıladı.
Turaqlı hám uzaq waqıt saqlanatuǵın hújjetler papkası 
muqabalarındaǵı jazıwlar anıq, óshpeytuǵın qara sıya 
yamasa tush penen jazılıwı tiyis.
Hújjetler papkası sońında óz aldına betke 
tastıyıqlawshı jazıw jayǵastırıladı, onda hújjetler 
papkasınıń nomerlengen betleri sanı nomer hám sóz 
benen kórsetiledi. Tastıyıqlawshı onı dúzgen xızmetker 
tárepinen lawazımı hám dúzgen sánesin kórsetken halda 
qol qoyadı.