Qo’qon Davlat Pedagogika instituti Maktabgacha va boshlang’ich ta’limda ingliz tili kafedrasining navbatdan tashqari majlisi bayonnomasi

Qo’qon Davlat Pedagogika instituti
Maktabgacha va boshlang’ich ta’limda ingliz tili
kafedrasining navbatdan tashqari majlisi
BAYONNOMASI
O’zbekiston tumani 15.02.2022
QATNASHDILAR: Kafedra mudiri M. Ergashev , o’qituvchilar : M.Qurbonova, , D.Burxanova, Nuriddinova M. , A.Ixtiyorov hamda kotiba N.Homidova
Kun tartibi

1. 
   Kafedra o’rindosh o'qituvchisi M.Saydaliyevaning 15.02.2022 o'tkazgan “Choosing materials for ESP classes” mavzusida o'tkazgan ochiq darsi muhokamasi toʻgʻrisida.
   

SO'ZGA CHIQDI: Majlis raisi, kafedra mudiri M.Ergashev ushbu ochiq dars haqida batafsil ma'lumot berdi. Oʻzbekiston Respublikasi Prezidentining PQ-1875-sonli “Chet tillarini o'rganish tizimini yanada takomillashtirish chora-tadbirlari to'g'risidagi qaroriga muvofiq, respublikamiz ta'lim maskanlarida ingliz tili darslari chuqurlashtirilgan tarzda o'tkazilmoqda buni ochiq darslar misolida ham ko'rish mumkin. Kafedra o'qituvchisi M.saydaliyevaning “Choosing materials for ESP classes” mavzusida Ingliz tili va adabiyoti yo'nalishi 216- guruh talabalari o'rtasida , Xorijiy tillar fakulteti binosi, 213-xonada ochiq darsi bo'lib o'tdi. Ochiq darsda kafedrasi o'qituvchisi A.Ixtiyorov, M.Ubaydullayeva, N.Homidova dars kuzatuvchisi sifatida qatnashdilar. Shundan so'ng majlis raisi darsni kuzatgan o'qituvchilarga so'z berdi. M.Ubaydullayeva: Ushbu ochiq dars o'z vaqtida boshlandi, barcha talabalar keldi, dars davomida multimediya vositalaridan foydalanildi, barcha talabalar guruhlarga bo'lingan holda darsga jalb etildilar, mavzuga doir prezentatsiya namoyish qilindi, turli mashqlar bajarildi, mavzuning ilmiy qismi tushuntirib berildi, tarqatma materiallar berilib mashqlar bajarildi hamda qiziqarli o'yinlar ko'rsatildi. Shuningdek, ingliz tili muhitini yaratish uchun talabalarni jalb qilib olish uchun darsni "warming up" bilan boshladi va yangiliklar so’raldi. Darsda talabalarni faolligini oshirish uchun juda ko'p "handout"lardan foydalanildi. "Video task" qismi ayniqsa talabalarda juda katta qiziqish uyg'otdi. Ko'rinib turibdiki, o'qituvchi nafaqat ochiq darsda o’zining pedagogic mahoratini ko’rsata oldi. Bu esa talabalarning faolligida o'z aksini topgan. Umuman olganda ushbu ochiq dars saviyasi yuqori, talabalar saviyasi yaxshi darajada. Men o'qituvchining bilimi, dars o'tish mahoratiga hamda hujjat va tarqatma materiallarni yuqori sifatda tayyorlaganini a'lo baholayman. Talabalar ishtiroki bo'yicha baholaydigan bo'lsam ham dars yaxshi darajada tashkillangan.
N.Homidova : M.Saydaliyevaning bilimi va nutqining ravonligiga e'tirozim yo'q. Ochiq dars ajoyib bo'ldi. Ochiq dars zamonaviy, CEFR talablariga javob beradi. Dars davomida yangi pedagogik texnologiyalardan foydalanildi. talabalar faol qatnashdi, dars ikki guruhga bo'lib o'tildi, turli metodik usullardan foydalanildi. Bundan ko'rinib turibdiki o'qituvchi darsga yaxshi tayyorgarlik ko'rgan. O'qituvchi darsni ingliz tili o'qitishning to'rtta malakasi ya'ni tinglab tushunish, yozish, o'qish, gapirish faoliyat turlari asosida o'tkazdi. Faoliyatlarda berilgan topshiriqlar bir-biri bilan bog'liq. Umuman olganda, ushbu ochiq darsga yuqori darajada tayyorgarlik ko'rilgan. Men ushbu ochiq darsga a'lo baho bergan bo'lar edim.
Yuqoridagi fikrlardan kelib chiqib majlis
QAROR QILADI:
1. Ma'lumotlar axborot uchun qabul qilinsin hamda M.Saydaliyevaning “Choosing materials for ESP classes” mavzusida o'tkazgan ochiq darsi komissiya tomonidan 7 ball, ya'ni 86 (a'lo) deb baholansin.
Kafedra mudir : M.Ergashev
Kotiba: N.Homidova