Qoplama hosil qiluvchi polimerlar texnologiyasi

Erituvchisiz (100% li) tarkiblar – suyuq lok-bo’yoq materiallarinig istiqbolli turlaridan biri. Bunday tarkiblarning 100% quruq qoldiqqa yaqin eng oddiy va qadimiysi bu deyarli unutilgan quriydigan o’simlik moylari asosida olinadigan tabiiy olifa va uning asosida olinadigan bo’yoqlardir.

Oziq-ovqat moylarini lok-bo’yoq sanoatida ishlatishni qisqartirish masalasi sintetika asosidagi bir qator yangi materiallar seriyaisni yaratilishiga olib keldi.

Eng ko’p qo’llaniladigan tarkiblar:

1). Reaktsiyaga kirishuvchi (aktiv) va kirishmaydigan (aktivmas) suyuq oligomerlar eritmalari;

2). Monomerdagi reaktsiyaga kirishuvchi oligomerlar va qattiq polimer eritmalari;

3). Isitilgan (suyuqlangan) holatda surkaluvchi past suyuqlanuvchi tarkiblar.

Lok – bo’yoq materiallarinig eng tipik namoyondalari birinchi gurux-erituvchisiz epoksidli tarkiblar (BEP). Bo’lar quyi molekulyar epoksid smolalarining suyuq uchmaydigan komponentlar – suyultiruvchilar eritmalari (glitsidil efirlar, epoksidlangan kauchuk, glikollar, etilsilikat va boshqalar) va tarkibni qo’llashdan avval kiritiluvchi amin tipidagi qotiruvchilar. BEP emallari kemasozlikda, kimyoviy makshinasozlikda va oziq-ovqat sanoatida o’z qo’llash soxasini topgan.

Ikkinchi gurux - erituvchisiz tarkiblar qatoriga monomer eritmasi ko’rinishida qo’llanuvchi to’yinmagan polefirlar (olgoefirmaleinatlar va oligoefirakrilatlar) asosidagi materiallarni (stirol, akril efirlari) qotishni tezlatish uchun initsirlovchi sistemalarni kiritish mumkin.

Bu tipdagi lok va emallar mebel, radiotexnika va boshqa sanoat soxalarida qo’llanadi.

Past suyuqlanuvchi tarkiblar tabiiy va sintetik monomerlar va oligomerlar (bitum, kanifol va boshqalar) asosida plastifikatorlar qo’shish orqali olinadi. Ularni kemasozlikda, yer osti qurilmalarini himoyalashda qo’llanadi.