Qonuni aholi bandligi to‘G‘risida

104-modda. Fuqarolarni O‘zbekiston Respublikasidan tashqarida vaqtinchalik mehnat faoliyatini amalga oshirish uchun uyushgan holda ishga qabul qilish
Fuqarolarni O‘zbekiston Respublikasidan tashqarida vaqtinchalik mehnat faoliyatini amalga oshirish uchun uyushgan holda ishga qabul qilish (bundan buyon matnda uyushgan holda ishga qabul qilish deb yuritiladi) chet ellik ish beruvchilarning va (yoki) ular vakolat bergan, chet ellik xodimlarni ishga joylashtirish sohasida faoliyatni amalga oshiruvchi chet el tashkilotlarining talabnomalariga binoan fuqarolarni O‘zbekiston Respublikasidan tashqarida uyushgan holda ishga joylashtirishni ta’minlash maqsadida amalga oshiriladigan tadbirlar majmuidir.
Uyushgan holda ishga qabul qilish vaqtinchalik mehnat faoliyatini amalga oshirishning O‘zbekiston Respublikasidan tashqarida fuqarolar bandligining boshqa shakllariga nisbatan ustuvor shaklidir.
Uyushgan holda ishga qabul qilish Tashqi mehnat migratsiyasi agentligi, shuningdek fuqarolarni O‘zbekiston Respublikasidan tashqarida ishga joylashtirish uchun yuborish bo‘yicha faoliyatni amalga oshirish huquqiga doir litsenziyaga ega bo‘lgan xususiy bandlik agentliklari (bundan buyon matnda yuboruvchi tashkilot deb yuritiladi) tomonidan amalga oshiriladi.
Yuboruvchi tashkilot fuqarolarni tanlashni amalga oshiradi hamda ularning o‘quv-tayyorgarlik, moslashtirish tadbirlaridan dastlabki tarzda o‘tkazilishini, shu jumladan:
chet ellik ish beruvchi bilan tuziladigan mehnat shartnomasi loyihasi, yashash va mehnat sharoitlari bilan tanishtirilishini;
fuqarolarning tibbiy ko‘rikdan o‘tkazilishini;
chiqish vizasini olish uchun tegishli hujjatlar rasmiylashtirilishida ko‘maklashishni;
Oldingi tahrirga qarang.
tegishli chet tilini, ishga joylashtiriladigan davlatning an’analari va qonunchilikni o‘rganish, xavfsizlik texnikasi, diniy ekstremizm va terrorizmni profilaktika qilish, tanosil kasalliklari va OIV-infeksiyasi tarqalishining oldini olish bo‘yicha qisqa muddatli kurslar amalga oshirilishini;
(104-modda to‘rtinchi qismining beshinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
fuqarolarning hayoti va sog‘lig‘ini sug‘urta qilish jarayoni tashkil etilishini ta’minlaydi.
Tashqi mehnat migratsiyasi agentligi tomonidan Xorijdagi ish beruvchilar reyestri yuritilib, u O‘zbekiston Respublikasi Bandlik va mehnat munosabatlari vazirligining hamda Tashqi mehnat migratsiyasi agentligining rasmiy veb-saytlariga joylashtiriladi.
Ijtimoiy va maishiy shart-sharoitlar, mehnatga haq to‘lash shartlari borasidagi kelishib olingan talablar chet ellik ish beruvchi tomonidan ta’minlanmagan, ish beruvchi mehnat migrantini ishga joylashtirishni rad etgan taqdirda, yuboruvchi tashkilot fuqarolarning ijtimoiy va maishiy sharoitlarini, mehnatga haq to‘lash shartlarini yaxshilash, uni boshqa chet ellik ish beruvchiga ishga joylashtirish yoki O‘zbekiston Respublikasiga qaytarishni ta’minlash yuzasidan tegishli choralar ko‘radi.
Fuqarolarning xususiy bandlik agentligi tomonidan O‘zbekiston Respublikasiga qaytarilishi ta’minlanmagan taqdirda, Tashqi mehnat migratsiyasi agentligi fuqarolarning Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasida mazkur xususiy bandlik agentligi tomonidan zaxiraga qo‘yilgan mablag‘lar hisobidan O‘zbekiston Respublikasiga qaytarilishini ta’minlash bo‘yicha choralar ko‘radi.