Qonun hujjatlaridan foydalangan holda vaziyatga huquqiy baho bering

№2 Kazus
Qarshi shahar hokimining 2018-yil 16-iyundagi Q-15/02-sonli qaroriga asosan 2009-yilda tugʻilgan voyaga yetmagan A.Qoʻldoshevni mehribonlik uyiga vaqtincha joylashtirilgan. 2019-yil 25-dekabr kuni fuqaro Z.Qoʻldosheva farzandini mehribonlik uyidan qaytarib olmoqchi boʻlib, murojaat qildi. Biroq mehribonlik uyi direktori A.Qoʻldoshev otasi B.Qoʻldoshev qaromogʻida boʻlganligi bois shahar xalq taʼlimi huzuridagi vasiylik va homiylik organi bilan kelishilgan holda joylashtirilganligini asos qilib koʻrsatib, Z. Qoʻldoshevani murojaatini rad etdi. Biroq Z.Qoʻldosheva farzandi A.Qoʻldoshev mehribonlik uyiga joylashtirilayotganda uning roziligi olinmaganligini vaj qilib, Qarshi shahar maʼmuriy sudiga Qarshi shahar hokimining qarorini haqiqiy emas deb topish boʻyicha ariza bilan murojaat qildi.