Qon topshirish Donorlik hayotni asrab qoladi!

Qon topshirish
Donorlik – hayotni asrab qoladi!
Inson qonining butunlay o‘rnini bosuvchi hech qanday modda mavjud emas. Shuning uchun inson umrini saqlab qolishda donorlik xizmati muhim ahamiyatga ega.
Fransiyada har yili 500 000 nafar bemorga qon quyish orqali o‘z xastaliklarini yengillashtirishiga amaliy yordam ko‘rsatiladi.
Qon olish uchun bir martalik sterillangan asboblardan (shpris, naychalar, konteyner) foydalaniladi.
Qon topshirayotib, siz hech qanday tahlikaga duchor bo‘lmaysiz.
Qon topshirish begonalarga beg‘araz yordam berishning eng keng tarqalgan usullaridan biri bo‘lib, u atigi 45 daqiqadan 1 soatgacha vaqtni oladi.
Donordan 450 ml qon va tahlil qilish hamda yana tekshirish uchun bir necha tomchi qon olinadi.
Erkak kishi yiliga 5 marta qon topshirishi mumkin.
Ayol kishini esa yiliga 3 marta qon topshirishi maqsadga muvofiq sanaladi.
18 yoshdan 65 yoshgacha bo‘lgan insonlar donor bo‘lishlari mumkin. Har bir qon topshirilgandan so‘ng, albatta, 8 hafta tanaffus bo‘lishi kerak.
«Qon topshirish» haqidagi e’lon internetdan – fransuz saytidan olingan.
Quyidagi savollarga javob berish uchun maqola matnidan foydalaning.
1-savol
«Qon topshirish» matnining asosiy maqsadi nima?
A. Odamlarni qon topshirishga undash.
B. Qon topshirish bilan bog‘liq xavfni tasvirlash.
C. Qayerda qon topshirish mumkinligini tushuntirish.
D. Ko‘plab odamlar muntazam ravishda qon topshirishlarini isbotlash.
BAHOLASH MEZONI
Faoliyat: Umumlashtirish va talqin qilish. Matnda berilgan e’lonni asosiy vazifasini aniqlash.
Matn formati: Yaxlit.
Vaziyat: Ijtimoiy.
Javob to‘liq qabul qilinadi:
A. Odamlarni qon topshirishga undash.
Javob qabul qilinmaydi: Boshqa javoblar.
2-savol
Nima uchun e’londa donorlikni muhim ahamiyat kasb etishi haqida gapirilgan? Matnda ushbu jumlani yoritib bergan gapni yozing.
______________________________________________________________________


BAHOLASH MEZONI
Faoliyat: Matnda aniq ifodalangan ma’lumotlarni topish.
Matn formati: Yaxlit.
Vaziyat: Ijtimoiy.