Qol va oyoqning erkin turgan qism suyaklari, ularning vazifalari Reja

Qol va oyoqning erkin turgan qism suyaklari , ularning vazifalari
Reja:

1. 
   Kirish
   
2. 
   Qo`l skеlеti
   
3. 
   Qo’lning erkin turgan qismidagi suyaklari.
   
4. 
   Oyoq suyaklari
   
5. 
   Oyoqning erkin turgan bo’limidagi suyaklar.
   

Kirish
Qo`l skеlеti. Qo`l suyaklari ikki qismga: еlka kamari suyaklari va qo`lning erkin suyaklariga bo`linadi. Qo’l skeleti — yelka kamari (o’mrov, kurak suyagidan), qo’lning erkin joylashgan — yelka suyagi, bilak suyagi va qo’l panja skeletidan tuzilgan. Kurak, o`mrov, еlka, bilak, tirsak suyaklarining suyakka aylanishi 20 – 25 yoshgacha davom etadi. Qo`l kaftining suyakka aylanishi 15-16 yoshgacha, barmoqlarning suyakka aylanishi 16-20 yoshgacha davom etadi.
O’mrov qo’lni tanaga birlashtirib turadigan birdan-bir suyak bo’lib, shakli latincha «~» xafiga o’xshab bukilgan, uzun. O’mrov suyagi yelka bo’g’imining tanadan uzoqroqda bo’lishini ta’minlaydi. O’mrov suyagining o’rta qismi tanasi deyiladi.
Kurak suyagi yalpoq, uchburchak shaklida bo’lib, ko’krak qafasining orqa tomonida, II — VII qovurg’alar tashqi sohasida joylashadi. Kurakning uchta: umurtqa pog’onasiga qaragan medial, qo’ltiqqa qaragan laterial va yuqorida joylashgan kalta chekkalari tafovut qilinadi. Yuqori chekkasida kurak o’ymasi ko’rinib turadi.
Kurak suyagining suyaklanishi tumshuqsimon o’siqda birinchi suyaklanish nuqtasi (bir yoshlik davrida) ning poydo bo’lishidan boshlanadi va 16 — 17 yoshda tanasi bilan suyaklanib, qo’shiladi. Kurak suyagining qolgan qismlarida 11 — 18 yoshda boshlanib, 18 — 24 yoshda suyaklanib bitadi.
Qo’lning erkin turgan qismidagi suyaklari.
Yelka suyagining yuqori uchi sharsimon to’mtoq bo’lib tugaydi. Boshcha suyakning qolgan boshqa qisimlaridan unchalik chuqur bo’lmagan ariqcha- anatomik bo’yinchasi yordamida ajralib turadi; bo’yinchaning pastki tomonida ikkita do’mboqcha joylashgan. Ana shu ikala do’mboq va g’adir budir qirralar orasida egatcha bo’lib, bu yerdan elka ikki boshli muskulining uzun boshli payi o’tadi. Elka suyagi tanasining yuqori qismi silindir shakilli, pastki qismi uch chekkali bo’ladi.