Qodiriy nomidagi jizzax davlat

Parta bilan ko‘krak orasida 2–5 sm masofada oraliq ushlab turiladi.

Ko‘z bilan ruchka uchidagi oraliq 25–30 sm dan kam bo‘lmasligi darkor.

Barmoq tolib qolmasligi uchun ruchkani qattiq siqib ushlamaslik kerak.

Hozirgi davrda o‘quvchilarga daftarga 65 gradus qiyalikda yozish o‘rgatiladi. Bu qiyalik stol ustida tez yozishga qulaylik yaratadi.Bolalar bunday qiyalikda yozishlari uchun daftarni stol ustiga 25 gradus qiyalikda qo‘yishlari lozim. Buni o‘qituvchi bolalarga to‘g‘ri tushuntirishi kerak.
Maktabda asosiy yozuv quroli binafsharang ruchka va yordamchi yozuv quroli yumshoq qora qalam hisoblanadi. Savod o‘rgatish jarayonida bolalarga ikki chiziqli daftar tavsiya etiladi. Sinf doskasi ham shunga moslashgan bo‘lishi zarur. Ikkinchi sinfdan bir chiziqli daftarga yozishga o‘tiladi. Daftar tutishda bolalarni daftar chiziqlariga rioya harflarni bir xil hajmda yozish, sarlavha ajralib turishiga e’tiborli bo‘lish, xatboshilarni to‘gri va aniq belgilash kabi ko‘nikmalarni shakllantirish lozim.
O‘quvchi ikkita daftar tutadi. Birinchi daftar shu kungi mashg‘ulot uchun, ikkinchi daftar tekshirish uchun o‘qituvchida bo‘ladi. Daftar ustiga o‘quv yilining birinchi yarmida “Yozuv daftari” deb yoziladi. Ikkinchi yarmida esa “Ona tili daftari” deb yoziladi. O‘qituvchi o‘quvchilarning daftarlariga aniq, ravon, tushunarli holda yozadi – xatolarni to‘g‘rilaydi, so‘z va harflarning yozilish shakllari va imlosidagi noaniqliklarni tuzatadi, harflarning qo‘shilishini qoidaga binoan yozib ko‘rsatadi, o‘quvchilarga topshiriqlar beradi. Izohlar quyidagicha bo‘lishi mumkin: “Daftarni iflos qilma! Chiziqlarni to‘g‘ri chamala!”

Savol va topshiriqlar:

• 
  Husnixat saboqlarini qaysi paytdan boshlab o‘quvchilarga singdirib boriladi?
  
• 
  Bolalarni chiroyli yozuvga o‘rgatish uchun qanday vazifalarni bajarish talab etiladi?
  
• 
  Husnixat qoidalarini amalga oshirishdagi umumiy didaktik qoidalar qanday prinsiplarni o‘z ichiga oladi?
  
• 
  Chiroyli yozuv malakasini shakllantirishning qanday usullari mavjud?
  
• 
  Qachondan boshlab o‘quvchilarga bir chiziqli daftarga o‘tish tavsiya qilinadi?