Qánigelik pánlerdi oqıtıw metodikası

Ulıwma hám orta Qánigelik bilimlendiriwdiń maqseti ósip kiyatırǵan jas áwladtı mámleketlik bilimlendiriw standartına sáykes, shaxstıń bilim alıw huquqın ámelge asıra otırıp oqıtıw, tárbiyalaw hám rawajlandırıw bolıp esaplanadı.
Informatikanı ilim sıpatında zamanagóy ilimler sistemasında tutqan ornı hám roli, onıń jámiyetimizde, turmısımızdaǵı áhmiyetinen Informatikanı oqıtıwdıń tiykarǵı maqsetleri kelip shıǵadı:
-oqıwshılarda komp’yuter sawatqanlıǵın qáliplestiriw;
-oqıwshılarda informaciyanı paydalanıp uzatıw hám aylandırıw processin bekkem hám tereń iyelewin támiyinlew;
-zamanagóy jámiyettiń rawajlanıwında informaciyalıq texnologiya hám esaplaw texnikasınıń roli, dúńya júzlik ilimiy kartinanı payda etiwde informaciyalıq processlerdiń mánisin oqıwshılarǵa ashıp kórsetiw;
-turmısta komp’yuterlerdi aqılǵa hám maqsetke muwapıq paydalanıw.
Informatika pániniń pedagogikalıq funkciyaları adamzattıń ulıwma bilim alıwındaǵı tiykarǵı máselelerin sheshiwde qosqan úlesiniń specifikası menen anıqlanadı:

1. 
   Informatika muǵalliminiń aldına qoyǵan birinshi maqseti – oqıwshılardıń Informatika tiykarların hám onıń rawajlanıwın ózlestire alıwı;
   
2. 
   Dúńya júzlik kóz-qarastıń ilimiy tiykarların qáliplestiriw. Bul zárúr máseleni Informatika muǵallimi bir ózi sheshpeydi. Bunı barlıq oqıw pánlerin oqıtıw processinde hámme pedagogikalıq kollektivtiń kúsh salıwı menen ámelge asırılıwı múmkin.
   
3. 
   Milliy ideologiyalıq kóz-qarastı tárbiyalaw;
   
4. 
   Oqıwshılardı ámelde islewge, miynetke, oqıwdı dawam ettiriwge tayarlaw.
   

Joqarıda kórsetilgen máseleler bir-birinen ajıratılǵan halda sheshiliwi múmkin emes. Kórip shıǵılǵan máselelerdi birgelikte, bir-biri menen baylanısqan halda ámelge asırıw kerek.
Ózbekstan Respublikası ǵárezsiz mámleket statusın alǵannan keyin social-ekonomikalıq rawajlanıwda óz jolın tańlawında bilimlendiriw tarawı reformasın, kadrlar tayarlaw strukturasın qaytadan kórip shıǵıw zárúrligi payda boldı.
«Bilimlendiriw haqqında» hám «Kadrlar tayarlaw boyınsha milliy dástúri» nızamlarının qabıllanıwı sonday reformanı ózinde sáwlelendiredi.
Ózbekstan Respublikası bilimlendiriw reforması ideyasın turmısqa eńiziwine baylanıslı bolǵan sheshimi jeterli dárejede qıyın shınıǵıwlardan biri «Informatika» baǵdarı boyınsha oqıtıw mashqalası bolıp esaplanadı.
Informatikanı oqıtıw ushın Informatika oqıtıwshısı Informatika pánin, onıń usılların hám rawajlanıw tariyxın tereń iyelegen bolıwı lazım.
Informatika oqıtıw metodikası bul Informatikanı oqıw predmeti sıpatında hám hár qıylı jastaǵı oqıwshılarǵa Informatikanı úyretiw processiniń nızamlılıqların úyrenetuǵın pán.
Informatika oqıtıw metodikası pán sıpatında XX ásirdiń ekinshi yarımında, Ózbekstanda 1985 jıldan baslap payda bola basladı. Buǵan tiykarǵı faktor bolıp ulıwma bilim beriw mekteplerine «Informatika hám esaplaw texnikası tiykarları» pániniń kiritiliwi boldı.
Informatika oqıtıw metodikası boyınsha ilimiy izleniwler birinshiler qatarında, professorlar M.Ziyoxwjaev, A.Abduqodirov, docent T.Azlarov hám basqalar tárepinen alıp barıldı hám bul tarawda aytarlıqtay jetiskenliklerge de erisildi.
Jámiyettiń ózine tán yaǵnıy turmıstıń barlıq tarawındaǵı tez hám túpten ózgeriwi «Informatikanı» oqıtıw zárúrligin keltirip shıǵardı. Kóplegen ózgerislerdiń túbirinde informaciyanıń jańa usıllardı payda etiw, saqlaw, uzatıw hám paydalanıw jatadı.
Biz, industrial ásirden informaciyaǵa ótiw jaǵdayında yaǵnıy kópshilik adamlar kúnnen–kúnge ósip keńeyip baratırǵan informaciya kólemin qayta islew zárúrligine duslasıp atırǵan dáwirde jasap atırmız.
Shınlıq sonday, bilimlendiriw tarawınıń informaciya ásiriniń talabına qáliplesiwi shárt.
Komp’yuter menen balalar mektep jasında komp’yuter oyınların oynap EEM menen tanısıp baslaydı. Ulıwma bilim beretuǵın mekteplerde «Informatika tiykarları hám esaplaw texnikaları» kursına saat ajıratılǵan. Máselen: 8 klasslarǵa háptede 1 saat, jámi 34 saat 9 klasslarǵa háptede 2 saat, jámi 68 saat. Sońıraq «Informatika» páni akademiyalıq licey hám kolledjler, institut hám universitetlerde úyreniledi.
Akademiyalıq licey hám kolledjlerde «Informatika» kursı programmasına jeke komp’yuterlerdi zamanagóy programma menen támiyinlewdi úyreniw kirgizilgen. Bul pándi úyreniwden maqset – informaciyanı izlep tawıp alıw, onı tańlap alıp paydalanıwdı biliw hám sol informaciyanı informaciyalıq texnologiyalar járdeminde óziniń jumısların hám turmısta qollanıwdan ibarat.
Qadaǵalaw sorawları

1.Kásiplik túsiniklerge neler jatadi’?

2. Qánigelik pánleri mazmuni’ nelerden ibarat
3. Informatikanı ilim sıpatında zamanagóy ilimler sistemasında tutqan ornı hám roli
4. Informatikanınıń processual bólimi
5. Informatikanınıń sociyal bólimi