Qiziqarli masalalar to’plami «Avliyoni hatlab o‘tma!» Masala 1

Qiziqarli masalalar to’plami
«Farzandingizni yaxshi ishlari uchun rag‘batlantirib boring»
Masala 1. O‘rtoqlari bilan har kuni quvnab o‘ynaydigan Nigora bugun o‘ynagani chiqmadi, chunki oyisining mazasi qochib, uyida isitmalab yotar edi. Nigora: qanday qilib oyimga yordamlashsam ekan, - deb o‘ylar edi. Ammo u
ovqat qilishni hali bilmas, yig‘ilib qolgan bir talay kirni kecha oyisi yuvib qo‘ygan edi. Nihoyat nimalarnidir reja qilib, ishga unnay ketdi. Chala qilib uyni supurdi. qo‘lining kiri bilan nari-beri qilib piyolalarni yuvdi. Oyisiga choy qo‘ydi. qizining ivirsilab taqir-tuqir qilib yurganidan xavotirlangan ona o‘rnidan turib, uni navbatdagi ish ustida ko‘rdi. Onaning bu vaziyatda qiziga bo‘lgan munosabati:
Javob: V) Voy, asal qizim, katta bo‘lib qolibsan-ku. Sen menga choy qo‘yib, uylarni supurib, yordamchi bo‘lib qolganingga shukur. Faqat-chi, qizim, piyolalarni yuvishdan oldin qo‘lni yaxshilab yuvib olish kerak. Keyin uy supurganda bir chetdan, tozalab supuradi. Xo‘pmi, qizim? – deb qizining peshonasidan o‘pib qo‘ydi.
«Inson xotirasi muqaddasdir!»
Masala 2. Xosiyat opa olamdan o‘tganlaridan keyin uning tilla taqinchoqlariga talashib, arazlashib qolgan ikki qizi, onalarining qarindoshurug‘lar yig‘ilib, o‘tkazayotgan ma’rakalaridan biriga kelmadi.
Bundan hijolat bo‘lgan kenja qiz qanday yo‘l tutishi kerak?
Javob: V) Opalarining oldiga borib, bu ishlarining noma’qul ekanligini tushuntirishi, bunday qilsalar el-yurt oldida nomusga qolishlari, onalarining ruhi-poklari bezovta bo‘lishini, sha’nlariga dog‘ tushishini aytishi, ma’rakalarni
o‘tkazib bo‘lgandan keyin bu masalani sharoitga qarab bafurja hal qilish mumkinligini uqdirishi kerak.
«To‘g‘ri maslahatni olmagan – nodon!»
Masala 3. Shoira qishloqdan keldi-yu, o‘zgardi-qoldi. O‘ziga bino qo‘yadigan, dugonalarini mensimaydigan bo‘lib qoldi. Uning oldiga tanish bilish yigitlari tez-tez kelib turadigan, uzoq qolib ketishadigan, xonadosh dugonalarining dars qilishlari, dam olishlariga halaqit beradigan bo‘lishdi. Bundan xabar topgan kurs rahbari Shoiraga murabbiyga xos bosiqlik bilan, ehtiyotkorona maslahat berdi. Shoira bunga javoban: Men sizning faningizdan va boshqa fanlardan yaxshi o‘qiymanmi, dars qoldirmaymanmi, jamoat ishlarida qatnashamanmi, bo‘ldi-da. qolgani meni shaxsiy ishim bo‘lsa kerak, - deb javob berdi.