Qishloq va suv xo’jaligi vazirligi

Hayvonlarda kekirishni tekshirish. 
Kavsh qaytaruvchi hayvonlar uchun kekirish fiziologik 
jarayon bo’lib, bunda katta qorinda to’plangan gazlar og’iz orqali chiqariladi. Kekirish bo’lganda 
o’ziga xos tovush chiqaradi. Boshqa hayvonlarda kekirish jarayoni patalogik hisoblanadi.
Kavsh qaytaruvchi hayvonlarda kekirish bo’lmasa katta qorinda gaz to’planib timpaniya 
kasalligiga olib keladi. Boshqa hayvonlarda chirigan, achigan ovqatlar berilsa gastrit kasalligida 
kekirish kuzatiladi.
Kekirishni tekshirganda quyidagilar aniqlanadi.
1. Bor-yo’qligi.
2. Kekirish chastotasi.
3. Kekirgandagi hid aniqlanadi.
Hayvonlarda qayt qilish jarayonini tekshirish. 
Qayt qilish hamma hayvonlar uchun 
patologiya, qayt qilish xaddan tashqari ko’p ovqat qabul qilganda, zaharlanganda, me’da ichak 
kasalliklarida, bachadon va qorin yallig’lanishlari paytida qayt qilish markazi qo’zg’alsa shu paytda 
kuzatiladi.
Tekshirganda qayt qilish bor-yo’qligi uning chastotasi takrorlanishi qayt qilganda chiqarilgan 
massa miqdori, hidi, rangi va yot narsalar aniqlanadi.
Qayt qilish cho’chqa, it, mushuk, yirtqich hayvonlarda tez va qiynalmas-dan amalga 
oshiriladi. Qoramollarda ancha qiyinroq, bir tuyoqlilarda juda qiyin amalga oshadi.
Qayt qilish bu me’da va ichakdagi moddalarning og’iz orqali tashqariga otilib chiqishiga
aytiladi.
 
Nazorat savollari:
1. Ishtaha nima? 
2. Chanqoqlik nima? 
3. Oziqa qabul qilishdagi o’zgarishlar? 
4. Kekirish nima? 
5. Qayd qilish nima? 
 10-Ma’ruza. HAZM TIZIMI ORGANLARINI TEKShIRISh. 
 
Reja: 
1. 
Og’iz bo’shlig’idagi a’zolarni; tomoq va qizilo’ngachni; kavshovchi 
hayvonlarda oshqozon oldi bo’limlari va shirdonni tekshirish tartibi 
va usullari. 
2. 
Olingan ma’lumotlarning diagnostik ahamiyati.