Qish vaqtida beton ishlarining xosligi. Umumiy holatlar

Beton bilan tishlashgan holda po’lat armatura va arqonlar asosida oldindan zo’riqtirish texnologik sistemasi.

Beton bilan tishlashgan holda armaturani oldindan zo’riqtirish – bu temir-beton konstruksiyasining tarkibidagi qobiqsiz joylashtirilgan po'lat arqonlar zo'riqishidan hosil bo’lgan bosim kuchini uchlaridagi anker moslamalari orqali betonga uzatishga asoslangan texnologiyadir. Beton bilan tishlashgan holda armaturani oldindan zo’riqtirish tizimining asosiy farqi, gofrirlangan po'latdan yasalgan yoki plastmassadan tayyorlangan kanal hosil qiluvchi quvurlar ichiga joylashtirilgan po’lat arqonlar tortilgandan so'ng, sementli qorishma bilan to'ldiriladi. Kanal hosil qiluvchilar po’lat arqonlarni himoya qilish va ularning butun uzunligi bo’ylab hosil bo’lgan zo’riqish kuchini konstruksiyaga uzatishni ta'minlaydi. Ushbu tizimda kanal hosil qiluvchilar (yumaloq yoki oval kesim) va oldindan zo’riqtirish hosil qilish elementlari yetarli darajada zo’riqishda hosil bo’lgan bosim kuchi o'tkazilishini ta'minlaydigan me'yoriy hujjatlar talablariga mos ravishda tanlanadi. Gofrirlangan po'latning qalinligi 0,2-0,3 mm, diametri esa joylashadigan armatura arqonlari soniga qarab hisoblab chiqiladi. Kanallarning soni 1 tadan 31 tagacha bo'lishi mumkin.