Qashqadaryo viloyati

O`ZBEKISTON RESPUBLIKASI XALQ TA`LIM VAZIRLIGI

QASHQADARYO VILOYATI XALQ TA`LIMI BOSHQARMASI

QASHQADARYO VILOYATI

KITOB TUMANI 5-UMUMIY O`RTA

TA`LIM MAKTABINING ONA TILI VA ADABIYOT O`QITUVCHISI

ISMOILOVA FERUZANING

ABDULLA ORIPOV HAYOTI VA IJODIGA BAG`ISHLANGAN “ONAJONIM, SHE`RIYAT” DEB NOMLANGAN TADBIR

Sahna bayramona bezatilgan. Shoir Abdulla Oripovning surati, kitoblari qo‘yilgan. Gullar bilan bezatilgan. Tadbir O‘zbekiston Respublikasining davlat madhiyasi bilan boshlanadi. Madhiyani o‘quvchilar jonli ijro etishdi.

1-Boshlovchi: Hamdam bo‘lding men bilan

Har qandayin kunlarda

Yulduz bo‘lding charag‘on

Eng qorongu tunlarda

Suhbat qildik goh shodon

Goho hazil unlarda

Eng oliy baxtim mening

Onajonim,she‘riyat

Topgan toj-taxtim mening

Jonajonim , she‘riyat.

2-Boshlovchi:

Hamdam bo‘lib sen bilan

" Hamsa "dan saboq oldim

Yiroq-yiroq yulduzlar

Sehrini dilga soldim

Mehmon emas,qasringda

Balki bir umr qoldim

Eng oliy baxtim mening

Onajonim, she‘riyat

Topgan toj-taxtim mening

Jonajonim, she‘riyat.

1-Boshlovchi:Assalomu alaykum, she‘riyat shaydolari, nazm ixlosmadlari.

2- Boshlovchi:Assalomu alaykum, aziz ustozlat va qadrli mehmonlar.

1-Boshlovchi:Sevimli shoirimiz Abdulla Oripov ijodiga bag‘ishlangan "Onajonim she‘riyat" nomli kechamizga xush kelibsiz.

2-Boshlovchi: She‘riyat kechamizda sevimli shoirimizning ijodidan namunalar tinglaysiz. Uning hayoti va ijodiga doir ma‘lumotlarni yana bir bor ega bo‘lamiz.

1-Boshlovchi: Bu bejiz emas, albatta. Chunki biz yaqinda sevimli shoirimizning tavallud kunlarini nishonlaymiz.

2-Boshlovchi:Darhaqiqat Abdulla Oripov 1941-yilning 21-martda Qashqadaryo viloyati Koson tumanining Neko‘z qishlog‘ida tug‘ilgan. Otasi Orif bobo ko‘pni ko‘rgan donishmand kishilardan edi. Elda e‘tibor, kop yillar rahbar bo‘lib kelgan, so‘zni topib so‘zlaydiganlardan edi. Mustaqillik kunlariga yetib, o‘glining shon-shuhratini ko‘rib vafot etdi.

1-Boshlovchi: Onasi,Turdi Karim qizi, shoirtabiat, xalq adabiyotini nozik his qiluvchi odamlardan edi. Erta vafot etdi. Lekin suyukli o‘glining birinchi kitobini ko‘rib ketdi. Bu tuyg‘ular uning "Onajon" she‘rida juda samimiy ifodalangan.

2-Boshlovchi: Shu o‘rinda navbatni do‘stlarimizga bersak-da, shoir she‘rlaridan bahramand bo‘lsak. Marhamat.

( "Onajon" she‘ri )

1-Boshlovchi: Davlatimiz madhiyasini bilasiz, albatta. Tantanali marosimlarda aytiladiganini ko‘p ko‘rgansiz. O‘zingiz ham yod olgansiz. Xalqaro musobaqalarda sportchilarimiz g‘olib bo‘lib kelib, bayrog‘imiz ko‘tarilganda madhiyamiz yangraganini g‘urur va iftixor bilan kuzatganmiz. Faqat tantanalarda emas, u bizga doim madadkor.

2-Boshlovchi: Radio va televideniyalar har bir kunini mana shu madhiyamiz bilan boshlaydi va u bilan tugatadi. Chunki u bizning davlatimiz ramzi, mustaqilligimizning ramzidir. U dunyodagi qanchadan-qancha mamlakatlar orasida tengma-teng yashab kelayotgan ramzimizdir. Mana shu madhiyamiz so‘zlari muallifi ham shoir Abdulla Oripovdir.

1-Boshlovchi: Shoir ijodi rang-barang. U turli mavzularga ijod qiladi. Shoir she‘rlarida Vatan,tabiat,do‘stlik,muhabbat tuyg‘ulari opzgacha bir latiflik o‘zgacha bir joziba bilan namoyon bo‘ladi.

2-Boshlovchi:To‘gri aytdingiz ...............(boshlovchining ismi aytib o‘tiladi). Shoir A. Oripov qaysi mavzuga murojaat etmasin, xalq dardini birga qo‘shib kuylaydi,insonning dil torlarini chertib,yurakning tub-tubigacha yetib boradigan yoniq misralar bitadi.

1-Boshlovchi:Keling, hozirshoir ijodidan namunalar tinglab so‘ng suhbatimizni davom ettirsak.

2-Boshlovchi: Juda soz bo‘lardida. Marhamat.

O‘quvchilat shoirning ''Men nechun sevaman O‘zbekistonni'', ‘‘ Yurtim shamoli‘‘, ‘‘Munojotni tinglab‘‘ she‘rlarini aytishadi.

1-Boshlovchi: Har qismatga har kimning

Davroni sabab bo‘lgay.

She‘r un cheksa shoirning.

Armoni sabab bo‘lgay

Men faxr etsam umrimning.

Har oni sabab bo‘lgay.

Eng oliy baxtim mening.

Onajonim, she‘riyat.

Topgan toj-taxtim mening.

Jonajonim she‘riyat.

2-Boshlovchi: Angladimki, olamda.

Yurt tanho, Vatan tanho.

Band etgan hayotimni.

Tengsiz shul chaman tanho.

Nokaslar emas, yo‘q, yo‘q.

Yolg‘iz sen baland, tanho.

Eng oliy baxtim mening.

Onajonim, she‘riyat.

Topgan toj-taxtim mening.

Jonajonim, she‘riyat.

1-Boshlovchi: Ha she‘riyatning mazmuni deb bilgan shoir qaysi mavzuga qo‘l urmasin nima haqida she‘r yozmasin,uning ko‘z oldida Vatan turadi,o‘sha ulug‘ Vatanning farzandi sinfida qo‘liga qalam oladi. Shu sababdan uning she‘rlari doim hayotbaxsh,ovozi dadl, ruhi tetik.

2-Boshlovchi: Abdulla Oripov tabiatan satirik shoir emas. Biroq,har bir she‘rida nimalarnidir inkor qiladi,nimalarnidir yoqlaydi. Hayot ziddiyatlarini to‘laroq ifodalash uchun rang-barang imkoniyatlardan foydalanadi. Uning satiraga boy she‘rlari ana shu imkoniyatlar natijasida yuzaga kelgan. Keling endi shoirning ana shunday she‘rlaridan tinglasak. Sahnaga 5-sinf o‘quvchilarini taklif qilamiz. Marhamat.

1-Boshlovchi: Yana bahor keldi,yana olamda.

Ajib bir go‘zallik,ajib bir bayot.

Men seni qutlayman shu ulug‘ damda.

Ulug‘ yelkadoshim, muzaffar hayot.

2-Boshlovchi: Qizg‘aldoq bargiday,uchar dildan g‘am,

Toshqinlar kiradi, qalbimga manim.

Bahoring muborak, bo‘lsin ushbu dam,

Mening O‘zbekiston - dilbar Vatanim.

( ‘‘ Alisherning onasi ‘‘ , ‘‘ Muallimlargaga ‘‘, ‘‘Bahor‘‘ she‘rlari )

1-Boshlovchi: Umid yorkim, yetkaymiz.

Sen bilan yiroqlarda.

Maqsudim yoqib turgan,

U nurli chiroqlarga.

Duch kelmasak bas endi,

Turfa xil firoqlarda.

Eng oliy baxtim mening,

Onajonim, she‘riyat.

Topgan toj-taxtim mening,

Jonajonim, she‘riyat.

2-Boshlovchi: Haq senga, murod o‘lsun.

Shavkating na zar tillo,

Haq deganing umri ham.

Haq kabi uzun, illo,

Boshin eggay hamisha,

Ostonangda Abdullo

Eng oliy baxtim mening.

Onajonim, she‘riyat.

Topgan toj-taxtim mening,

Jonajonim, she‘riyat.

1-Boshlovchi: Shuning bilan O‘zbekiston xalq shoiri.

2- Boshlovchi: O‘zbekiston qahramoni faxriy unvoni sohibi, shoir Abdulla Oripov ijodiga bag‘ishlangan ‘‘ONAJONIM, SHE‘RIYAT‘‘ nomli she‘riyat kechamiz poyoniga yetdi.

1-2-Boshlovchi: E‘tiboringiz uchun rahmat. Xayr, salomat bo‘ling.