Qashqadaryo viloyati G’uzor tumanidagi

1.  Ma’ruzalarni  faol  usulda  o‘tkazish.  Har  qanday  yuqori  saviyada 

o‘tkazilgan ma’ruza, garchand u faktlarga boy bo‘lsa ham, agar uzoq vaqt davom 

etsa, o‘quvchining eshitish qobiliyati susayadi va charchaydi. Bu holat o‘quvchini 

loqayd  eshituvchiga  aylantiradi.  Ma’ruza  qancha  uzoq  davom  etsa,  samaradorlik 

shuncha kamaya boshlaydi. Shuning uchun ma’ruzani kichik pedagogik texnologiya 

darajasida quyidagicha tashkil etish o‘quvchilar uchun qulaylik tug‘diradi. 

Ma’ruzachi o‘z  ma’ruzasini  bir necha bloklarga  bo‘ladi.  Har blokini 15-20 

minut davom ettiradi va har bir blokdan so‘ng to‘xtab, mavzu bilan bog‘liq qisqa 

savol-javob, fikr almashuv olib boradi. 

Ma’ruzachi  o‘quvchilarning  qiziqish,  intilish,  mas’ulyati  oshib  borishini 

kuzatib  boradi.  Ma’ruza  davomida  muntazam  faol  ishtirok  etuvchilar,  teran  fikr 

bildiruvchilar  ma’ruzachining  tayanchiga  aylanadi.  Ma’ruza  davomida  mavzuni 

sekin-asta o‘quvchining kundalik faoliyatiga doir misollar bilan bog‘lab olib boriladi 

va  qisqa  munozaralar  orqali  tegishli  echimlar  topiladi.  Shu  holda  kechgan 

ma’ruzalarda o‘quvchilar vaqt qanday o‘tganini bilmay qoladilar. Ma’ruzaning yana 

davom  etishini  xohlab,  befarqlik  o‘rnini  xushyorlik,  ichki  intilish,  echim  qidirish 

egallaydi, o‘zlari ham echimni topishda shaxsan ishtirok etishga hissa qo‘shishga 

intiladilar.  Bunday  ma’ruzalar  har  ikki  tomonning  o‘zaro  faolligini  oshiradi, 

navbatdagi munozaralarga chorlaydi.