Qarshi muhandislik-iqtisodiyot institutining ichki tartib-qoidalari

15. Institutga ishga qabulqilish belgilangan tartibda tasdiqlangan Nizom talablari asosida amalga oshiriladi.
16. Ishga qabul qilish jarayonida yoki xodimning roziligi bilan boshqa ishga о‘tkazilayotganda institut:
xodimga yuklatilgan mehnat vazifalari doirasi, huquq va majburiyatlari, mehnat va mehnatga hak tо‘lash shartlari;
mazkur Qoidalar, jamoa shartnomasi, lavozim yо‘riqnomasi va xodimning mehnat faoliyatiga oid boshqa hujjatlar;
institutning Odob-ahlok qoidalari;
institutning korrupsiyaga qarshi kurashish dasturi (siyosati) bilan;
institut, xodim, talaba va doktorantlar tomonidan korrupsiyaviy huquqbuzarliklar sodir etishga og‘dirish maqsadida murojaat qilish holatlari haqida xabardor qilish tо‘g‘risidagi nizom;
mehnatni muhofaza qilish, texnika xavfsizligi va ishlab chiqarish sanitariyasiga doir qoidalar bilan xodim tanishtirilishi lozim.
17. Institutda besh kundan ortiq ishlagan barcha xodimlarga Kadrlar bо‘limi tomonidan Mexnat daftarchalarini yuritish tartibi tо‘g‘risidagi yо‘riqnoma (rо‘yxat raqami 402, 1998 yil 29 yanvar) qoidalariga muvofiq mehnat daftarchasi yuritiladi, о‘rindoshlik asosida ishlovchilar bundan mustasno.
Shuningdek, О‘zbekiston Respublikasi Vazirlar Mahkamasining 2019 yil 5 dekabrdagi 971-son qarori bilan tasdiqlangan “Yagona milliy mehnat tizimi” idoralararo dasturiy - apparat kompleksida mehnat shartnomalarini rо‘yxatdan о‘tkazish, elektron mehnat daftarchalarini shakllantirish va yuritish tartibi tо‘g‘risidagi nizom talablariga asosan “Yagona milliy mehnat tizimi” idoralararo dasturiy-apparat kompleksida elektron mehnat daftarchalarini shakllantirish va yuritish ta’minlanadi.
18. Ish beruvchi va institutning mansabdor shaxslari xodimdan, uning mehnat majburiyatlariga kirmaydigan ishlarni bajarish, qonunga zid harakatlarni sodir etish, shuningdek, xodimning yoki boshqa shaxslarning hayoti va sog‘lig‘ini xavf ostiga qо‘yadigan, or-nomusi va sha’nini kamsitadigan harakatlar sodir etishni talab qilishga haqli emas.

2.2. Mehnat shartnomasini о‘zgartirish va bekor qilish