Qarshi muhandislik iqtisodiyot instituti neft va gaz fakulteti «neft va gaz olishning texnologiyasi va texnikasi»

6.2. Sirt-faol moddalari aralashmalarini qatlamga haydash. 
 
Neft  qatlamini  tashkil  qiluvchi  mineral  zarrachalarni  yuzasining  molekulyar 
xususiyati  turlicha  bo‗ladi.  Tog‗  jinsining  zarrasi  yuzasi  neftga  nisbatan  suv  bilan 
yaxshi ho‗llanilishi mumkin; bu holatda tog‗ jinsi gidrofil bo‗ladi, agarda jins suvga 
nisbatan  neft  bilan  yaxshiroq  ho‗llansa  unda  gidrofob  bo‗ladi.  Shuning  bilan  birga 
tog‗ jinsi qisman gidrofil va gidrofob bo‗lishi ham mumkin. Gidrofob jins neftni bir 
qismini  zarrachaning  yuzasida  ushlab  qoladi.  Bu  neft  plyonkasini  qatlamga 
haydaladigan suv bilan yuvish mumkin. Agarda suvni yuvish xususiyati yaxshilansa 
samara  yanada  yuqoriroq  bo‗lishi  mumkin.  Neft  kollektorlarida  yarim  mineral 

---

muhitda sirt-molekulyar xususiyatni o‗zgartirishga siquvchi suvga sirt faol moddalari 
(SFM) bilan ishlov berish orqali erishish mumkin. 
So‗nggi 
davrlarning 
tadqiqotlari 
shuni 
ko‗rsatadiki, 
yuqori 
konsentratsiyadagi,  sirt  faol  moddalari  aralashmasini  bir  qancha  muddat  haydagach 
orqasidan  suv  haydalsa,  kam  konsentratsiyadagi  SFMlarini  doimiy  haydaganga 
nisbatan yaxshi natijalar berar ekan. Shuningdek, qatlamlarga suv haydashda SFMni 
ta‘sirini kuchaytirish uchun SFMning suvdagi aralashmasidan ma‘lum qalinlik hosil 
qilib  orqasidan  qatlam  ichiga  suruvchi  oddiy  suv  haydab,  «hoshiya»  usulidan 
foydalanish kerak. SFMlarining suvdagi aralashmalarini haydash usuli 1965 - yillarda 
35 dan ko‗p uyumlarda sinab ko‗rilgan. Haydalayotgan SFM aralashmasining hajmi 
juda  ham  katta  bo‗lishi  lozim  (g‗ovaklar  hajmidan  kamida  2-3  marta).  SFM 
hududining qatlam bo‗yicha siljishi, siqish hududiga nisbatan 10-20 marta sekinroq.  
SFM  aralashmasini  haydash  texnologiyasi  juda  ham  sodda  bo‗lib,  kondagi 
texnologiya  va  quduqlarning  joylashtirilish  tizimiga  katta  o‗zgartirish  kiritilmaydi. 
SFMni  konsentratsiyasini  tayyorlab  uzatish  uchun  UDPV-5  qurilmasi  ishlab 
chiqilgan.  Usulning  kelajagi  asosan,  qabul  qiluvchanlikni  oshirish  uchun  haydovchi 
quduqlar  tubi  atrofiga  ishlov  berish,  zich  gilli  kollektorlarni  o‗zlashtirish  uchun 
kuchsiz  konsentratsiyadagi  (0,05-0,5%)  va  yuqori  konsentratsiyadagi  (1-5%) 
aralashmalarni  haydash  va  haydash  bosimini  pasaytirish,  shuningdek  fazalararo 
tortishuvni 0,01-0,05 mN/m gacha kamaytiruvchi SFMning yangi kompozitsiyalarini 
yaratishdan iborat.