Qarshi muhandislik-iqtisodiyot instituti «elektr energetika» kafedrasi

6. Texnik - iqtisodiy hisob
6.1 Asosiy holatlar
Berilgan hududiy elektr ta’minot sxemalarini ishonchli ishlashi, qurilish muddati, boshqarilishi qulayligi, avtomatlashtirish darajasi va boshqalar bo’yicha bir xil texnik ko’rsatgichli tarmoq variantlari ko’rib chiqilishi kerak.
Ushbu kurs loyihasida talaba hududiy elektr ta’minotning radial va yopiq variantlarini texnik – iqtisodiy hisobini bajarishi kerak.
Eng qulay variantni tanlash uchun (har bir variantni) quyidagi tartibda hisoblash kerak:
A. Iqtisodiy xarajatlarni aniqlash:
a) Elektr uzatish tarmoqlarida - K_HT,
b) Podstantsiyalarga - K_ps,
v) Berilgan variandagi quvvat isrofini qoplash uchun elektr stantsiya qurilishidagi qo’shimcha iqtisodiy xarajatlar K _p .
g) jami iqtisodiy xarajatlar - K_Σ = K_HT + K_ps + K_∆p.
B. Yillik boshqarilishdagi xarajatlarini aniqlash:
Bu xarajatlar quyidagilardan iborat :
a) Amartizatsiya ajratmalari - И_A,
b) Tarmoqni joriy ta’mirlash va xizmat ko’rsatish xaratlari - И_T,
v) Isrof bo’lgan elektr energiya narxi ( qiymati ) - И _w ,
g) Jami boshqarilishdagi xarajatlari - И_Σ = И_A + И_T + И _w.


V. Keltirilgan xarajatlar uslubida variantlarni solishtirish kerak:
Z = E_μ*K_Σ + И_Σ.
Bunda 3- radial yoki yopiq variantlar keltirgan xarajatlari.
G. Qaysi variant eng qulay va tavsiya etilishsi haqida xulosa chiqarish kerak. Eng kam keltirilgan xarajatli variant tanlanadi.
Barcha hisoblar natijasi jadval ko’rinishida berilishi kerak. (6.4 ga qaralsin).
6.2 Iqtisodiy xarajatlarni aniqlash
A. Elektr uzatish tarmoqlari
Har bir elektr tarmoq uchun tarmoq kesimi, zanjirlar soni, simlar va ustunlar turi ma’lum, kuchlanishga qarab 6-9,6-11- jadvallardan 1km tarmoqning narxi aniqlanadi. 1km tarmoq narxi, shu elektr tarmoq uzunligiga ko’paytirilib ushbu tarmoqni qurish va montaj qilishning iqtisodiy xarajatlari olinadi.