Qarshi muhandislik-iqtisodiyot instituti "axborot texnologiyalari" kafedrasi "TEXNIK TIZIMLARDA axborot texnologiyalari"

Butun son turlari.
Butun son qiymatlarni qabul qiladigan o‘zgaruvchilar int (butun), 
short: (qisqa) va 1ong (uzun) kalit so‘zlar bilan aniqlanadi. O‘zgaruvchi qiymatlari ishorali 
bo‘lishi yoki unsigned kalit so’zi bilan ishorasiz son sifatida qaralishi mumkin (1-ilovaga 
qarang). 
Belgi turi 
Belgi turidagi o‘zgaruvchilar char kalit so‘zi bilan beriladi va ular o‘zida 
belgining ASCII kodini saqlaydi. Belgi ,turidagi qiymatlar nisbatan murakkab bo‘lgan tuzilmalar 
– satrlar, belgilar massivlari va hakozalarni hosil qilishda ishlatiladi (2-ilovaga qarang). 
Haqiqiy son turi. 
Haqiqiy sonlar float kalit so‘zi bilan e’lon qilinadi. Bu turdagi 
o‘zgaruvchi uchun xotirada 4 bayt joy ajratiladi va  qolipida sonni 
saqlaydi. Agar kasrli son juda katta (kichik) qiymatlarni qabul qiladigan bo‘lsa, u xotiradi 8 yoki 
10 baytda ikkilangan aniqlik ko‘rinishida saqlanadi va mos Double va long double kalit so‘zlari 
bilan e’lon qilinadi. Oxirgi holat 32-razryadli platformalar uchun o‘rinli (1-ilovaga qarang). 
Mantiqiy tur. 
Bu turdagi o‘zgaruvchi bool kalit so‘zi bilan e’lon qilinadi. U turdagi 
o‘zgaruvchi 1 bayt joy egallaydi va 0 (false, yolg‘on) qiymatidan farqli qiymat (true, rost) qabul 
qiladi. Mantiqiy tur o‘zgaruvchilar qiymatlar o‘rtasidagi munosabatlarni ifodalaydigan 

---

mulohazalarni rost (true) yoki yolg‘on (false) ekanligini tavsifida qo‘llaniladi va ular qabul 
qiladigan qiymatlar matematik 
mantiq qonuniyatlariga asoslanadi. 
Matematik mantiq - fikrlashning shakli va qonuniyatlari haqidagi fan. Uning asosini 
mulohazalar hisobi tashkil qiladi. Mulohaza – bu ixtiyoriy jumla bo‘lib, unga nisbatan rost yoki 
yolg‘on fikrni bildirish mumkin. Masalan «3>2», «5 – juft son», «Moskva-Ukraina poytaxti» va 
hakozo. Lekin «0.000001 kichik son» jumlasi mulohaza hisoblanmaydi, chunki «kichik son» 
tushunchasi juda ham nisbiy, ya’ni kichik son deganda qanday sonni tushunish kerakligi aniq 
emas. Shuning uchun yuqoridagi jumlani rost yoki yolg‘onligi haqida bildirish qiyin
. 
Mulohazalarning rostligi holatlarga bog‘liq ravishda o‘zgarishi Masalan «bugun – 
chorshanba» jumlasini rost yoki yolg‘onligi qaralayotgan kunga bog‘liq. Xuddi shunday «x<0» 
jumlasi x o’zgaruvchisining ayni paytdagi qiymatiga mos ravishda rost yoki yolg‘on bo’ladi. 
C++ tilida mantiqiy tur nomi angliyalik matematik Jorj Bul sharafiga bool so‘zi bilan 
ifodalangan. Mantiqiy amallar «Bul algebrasi” deyiladi. 
Mantiqiy mulohazalar ustida uchta amal aniqlangan: 
1) inkor – A mulohazani inkori deganda A rost bo‘lganda yolg‘on va yolg‘on bo‘lganda 
rost qiymat qabul qiluvchi mulohazaga aytiladi. C++ tilida inkor – ‘!’ belgisi bilan beriladi. 
Masalan, A mulohaza inkori «!A» ko‘rinishida yoziladi; 
2) konyuksiya- ikkita A va B mulohazalar konyuksiyasi yoki mantiqiy ko‘paytmasi «A 
&& B» ko‘rinishga ega. Bu mulohaza faqat A va B mulohazalar rost bo‘lgandagina rost bo‘ladi, 
aks holda yolg‘on bo‘ladi (odatda «&&» amali «va» deb o‘qiladi). Masalan «bugun oyning 5 
kuni va bugun chorshanba» mulohazasi oyning 5 kuni chorshanba bo‘lgan kunlar uchungina rost 
bo‘ladi; 
3) dizyunksiya – ikkita A va B mulohazalar dizyunksiyasi yoki mantiqiy yig‘indisi «A || 
B» ko‘rinishda yoziladi. Bu mulohaza rost bo‘lishi uchun A yoki B mulohazalardan biri rost 
bo‘lishi yetarli. Odatda «||» amali «yoki» deb o‘qiladi. 
Yuqorida keltirilgan fikrlar asosida mantiqiy amallar uchun rostlik jadvali aniqlangan (1.3-
jadval). 
1.3-jadval. Mantiqiy amallar uchun rostlik jadvali