Gileya – (gr. hyle o`rmon) – nam tropik o`rmon.
Distrof ko`llar – (gr. dys buzish, buzilish+trophe oziqlanish) – chuqur emas, suvining tarkibida gumun kislotasi ko`p, kislorod kam, suv reaktsiyasi kislotali ko`llar bo`lib, o`simlik va hayvonot dunyosi tarkibida turlar soni kam, mahsuldorlik darajasi past vaqirg`oqlari torf bilan qoplangan bo`ladi. Bunday ko`llarga Yevropaning shimolidagi o`rmonlarda joylashgan ayrim ko`llarni misol qilish mumkin.
Zoogeografiya – (гр. zoon hayvon +ge yer + grapho – yozaman) – Yer yuzida hayvonlarning, ularning ekologik guruhlarining hozirgi vaqtda va o`tmishda geografik tarqalishini hamda bu tarqalishga sabab bo`lgan omillarni (zamonaviy va tarixiy omillar) va qonuniyatlarni o`rganuvchi fan.
Introduktsiya – (lot. introductio kirish) – hayvonlarning tabiiy areallaridan tashqariga tarqalishi va ularning yangi sharoitga moslashishi.
Kauzal zoogeografiya – (lot.causa sabab+zoogeografiya) – sababiyat, sababiy shartlanganlik. Yer yuzidagi biror bir joyning u yoki bu faunistik kompleks bilan egallanishiga mazkur joydagi muhit omillarining sabab bo`lishini o`rganuvchi zoogeografiya bo`limi.
Kosmopolitlar – (gr.kosmopolites dunyo fuqarosi) – biologiyada yer sharida keng tarqalgan o`simlik yoki hayvon turlariga nisbatan qo`llaniladi.
Kserofillar – (gr. xeros quruq+phileo sevaman) – qurg`oqchilik hukm suradigan yashash muhitlarida hayot kechirishga moslashgan o`simlik va hayvon turlari.
Limnofillar – (gr. limne ko`l+phileo sevaman) – ko`llarni yashash muhiti sifatida tanlaydigan o`simlik va hayvon turlari.
Marikultura – (lot. mare dengiz+cultura ko`paytirish, o`stirish) – tabiiy va sun`iy suv havzalarida ov ahamiyatiga ega bo`lgan dengiz hayvonlari va suv o`tlarini sun`iy o`stirishga yo`naltirilgan tadbirlar majmuasi.
Monofag – (gr. monos bitta, yagona+phagos yemoq) – bir turdagi oziqa bilan oziqlanuvchi hayvonlar.
Neyston – (gr. neusteon suzishga qobiliyatli) – suv sirtidagi pardada yashovchi organizmlar majmuasi bo`lib, ayrim turlari suv sirtidagi pardaning yuzasida (epineyston) harakatlansa, ayrim turlari pardaning ostki qismida (giponeyston) harakatlanadi.
Nekton – (gr. nektos suzib yuruvchi) – suv oqimi hosil qiladigan to`siqlarni engish qobiliyatiga ega bo`lgan, faol suzuvchi suv hayvonlari majmuasi.
Neoendemiklar – (gr. neos yangi+endemos mahalliy) – o`simlik yoki hayvonlarning endemik turlari (yoki avlodlari) bo`lib, filogenetik jihatdan “yoshligi” sababli ayni paytga qadar keng tarqalishga va o`z areallarini kengaytirishga ulgurmagan va shu sababli ular egallagan areallar tor bo`ladi. Mazkur endemiklar odatda atrofdagi boshqa flora va fauna vakillari bilan qarindoshlik aloqalariga ega bo`ladi (O`rta Osiyodagi ko`pgina astragal va shuvoq turlari, galapagoss vyuroklari).
Do'stlaringiz bilan baham: |