Qarshi davlat universiteti tabiiy fanlar fakulteti

Kuchli kislotali (рН << 7) sharoitda permanganat-ioni (amalda rangsiz) och pushti rangli marganets (II) Мn²⁺ ionigacha qaytariladi.
МnО₄^- + 5е~ + 8Н⁺ = Мn²⁺ + 4Н₂О
Xona haroratida МnО₄^-, Н⁺ / Мn²⁺ redoks-juftining standart oksidlanish-qaytarilish potensiali yetarlicha katta 1,51 V qiymatga ega. Shuning uchun kaliy permanganatni kislotadagi eritmasi bilan qator qaytaruvchilarni oksidlash mumkin va bunday reaksiyalarning deyarli barchasi katta tezlikda boradi. Eritmada vodorod-ionlarining konsenratsiyasi ortgani sari mazkur redoks-juftning muvozanat potensiali orta boradi
Е = Е° + (0,059 / 5) lg ([МnО₄ [Н⁺]⁸ / [Мn²⁺])
binobarin permanganat-ionining oksidlovchilik xossasi ham orta boradi.
Oksidlanish-qaytarilish yarim reaksiyasida 5 ta elektron qatnashayotgan-ligi sababli oksidlovchi kaliy permanganatning kislotali sharoitdagi ekvivalent molyar massasi quyidagicha:
М (1/5 KMnO₄) = М (КМnО₄) / 5 = 31,608 г/моль.
Neytral muhitda permanganat-ioni marganets (IV) oksidigacha qaytariladi:
МnО₄^- + Зе^- + 2Н₂О = МnО₂ + 4ОН^-
МnО₄^- / МnО₂ redoks-juftining standart oksidlanish-qaytarilish potensiali nisbatan kichik bo‘lib, xona haroratida Е° = 0,60 V qiymatga ega, shuning uchun kaliy permanganatni neytral sharoitda oksidlovchi sifatidagi samaradorligi kislotali sharoitdagiga nisbatan ancha kam. Bundan tashqari oksidlanish-qaytarilish reaksiyasi natijasida hosil bo‘layotgan qo‘ng‘ir rangli marganets (IV) oksid TSN ni aniqlashga xalaqit beradi, marganets (IV) oksidi boshqa moddalarni adsorbsiyalashi hisobiga tahlil xatoligini oshiradi.
Shu sababdan kaliy permanganat oksidlovchi titrant sifatida neytral muhitda deyarli ishlatilmaydi.