Qarshi davlat universiteti pedagogika kafedrasi umumiy pedagogika fanidan

Kafedra mudiri: Sohibov A.R.

Fanning ishchi o‘quv dasturi Pedagogika fakulteti Ilmiy kengashining 2021 yil -sonli yig‘ilishida tasdiqlangan va o‘quv jarayonida foydalanishga tavsiya etilgan.

Fakultet dekani: I. Yo`ldoshev

“Kelishildi”
O‘quv-uslubiy boshqarma boshlig‘i: P.Qurbonov.

1. 
   O`quv fanining dolzarbligi va oily kasbiy ta`limdagi o`rni
   

“Umumiy pedagogika” fani oliy ta’lim muassasalari talabalarida kasbiy-pedagogik sifatlarni shakllantirishda muhim o‘rin tutadi. Bo‘lajak o‘qituvchilarni ilm-fan, texnika va texnologiya sohalarida erishilayotgan ilg‘or yutuqlar, umuminsoniy g‘oyalar, milliy qadriyatlarga tayangan holda tayyorlash, ularda pedagogik madaniyatni rivojlantirish, ijodiy tafakkurni tarkib toptirish, tarbiyachi, o‘qituvchi hamda yoshlar murabbiysi sifatida

pedagogik jarayonlarni to‘g‘ri tashkil etish malakalarini hosil qilishda katta ahamiyat kasb etadi.
Mazkur fan talabalarni yosh avlod ta’limi va tarbiyasiga bo‘lgan yondashuvlar mazmuni, jahon ta’limi tajribasi bilan tanishtirish asosida ularning umumpedagogik bilimlarini boyitadi. Talabalar milliy pedagogik meros namunalari bilan tanishish jarayonida ta’lim va tarbiya g‘oyalarining shakllanishi, muayyan davrda yuzaga kelgan ijtimoiy zaruriyat, jamiyatning ijtimoiy, iqtisodiy, madaniy taraqqiyotiga bevosita bog‘liq ekanligini anglab yetadilar. Ta’lim-tarbiyaning innovatsion shakl va metodlaridan foydalangan holda ta’lim jarayonini innovatsion boshqarish va unga rahbarlik qilish haqida ma’lumotga ega bo‘ladilar. Shu bilan birga ushbu fan talabalarda asrlar davomida shakllangan ta’limiy va tarbiyaviy qadriyatlarga nisbatan chuqur hurmatni qaror toptirish, an’anaviy va zamonaviy pedagogik ta’limotlarni qiyosiy o‘rganish, yosh avlod tarbiyasida barcha davrlar uchun birdek amaliy qiymatga ega pedagogik g‘oyalardan foydalanish ko`nikma va malakalarini shakllantirishga xizmat qiladi.

2.