Qarshi davlat universiteti nemis tili va adabiyoti kafedrasi adabiyotshunoslik

I. O‘quv fanining dolzarbligi va oliy kasbiy ta’limdagi o‘rni

Adabiyotshunoslik fani adabiyotning jamiyat ijtimoiy hayotidagi o‘rni, adabiyotning ma’naviy-ma’rifiy ahamiyati, adabiyotning tabiiy va ijtimoiy fanlar va san’atning boshka turlaridan farqi, adabiy turlar va janrlar, ijodkorlarning o‘ziga xos uslubi, ijodiy metod va oqimlar, yangi ijodiy yo‘nalishlar, hozirgi jahon va o‘zbek adabiy jarayoni kabilar to‘g‘risida ma’lumot beradi.

Adabiyotshunoslik fanining ahamiyati ijtimoiy hayot va adabiyotni tushunish, badiiy asarlarning badiiy-estetik darajasini aniqlash, tahlil va talqin qilish, adabiy va zamonaviy qahramon va real hayot kishisi o‘rtasidagi farqlarni ajratish kabilar bilan belgilanadi.
Talabalar bu fanni o‘rganish orqali adabiyotshunoslikning tarkibiy qismlari, badiiy asarning tarkibiy qismlari, adabiy maktablar, til, mohiyat va interpretatsiya, poetika va ritorika, adabiy tur va janrlar, adabiyot va ijtimoiy hayot, ijodiy metod va uslublar, ijodkor uslubi, badiiy obraz, adabiy qahramon, badiiy san’atlar va hozirgi adabiy jarayon kabilar to‘g‘risida ma’lumotga ega bo‘ladilar. Adabiyotshunoslik fani umumkasbiy fanlar blokiga kiritilgan kurs hisoblanib, 1-kurslarda o‘qitilishi maqsadga muvofiq.