Qarshi davlat universiteti adabiyotshunoslik kafedrasi

XULOSA 
 
O‘zbek adabiyoti o‘zining juda qadimiy tarixiga, ildiziga ega. Salaflari kabi 
Said Ahmad ham uning rivojiga katta hissa qo‘shib kelyapti. Said Ahmad 
yumorining birinchi manbai hayotdir. U kulgini, kulgili holatlarni hayotning 
o‘zidan oladi. Shuning uchun uning yumori hayotga yaqinligi bilan ajralib turadi. 
Uning yumorida voqelikka kulgili va ijobiy munosabati yotadi. Said Ahmad 
asarlarida yumor turli vazifalarni bajaradi (voqelikka munosabatni ifodalaydi, 
tarbiyalash quroli, obraz yaratsih usuli, badiiy tasvirning muhim vositasi). 
Yozuvchi lirik-yumoristik hikoyalari, hajviyalari, miniatyuralaridan o‘sib 
bordi. Undagi lirik talqin, hayotbaxsh yumor yozuvchining o‘ziga xos uslubiy 
qirralarini namoyon qiladi. Bu xislat unig “Kelinlar qo’zg’oloni” komediyasi”da 
ham yaqqol namoyon bo’ldi. 
Said Ahmad komediyasida obrazlar ruhi olamiga, qiyofasiga mos tashqi 
tasvir va harakatning kulgi bilan uyg’un berilishi, folklor materiallarini 
umumlashtirgan holda yedirib yuborish usuli, ulardan bir nechtasini qo‘llash, 
asardagi vaziyatlarga mos holda kulgi vositalarining yaratilishi, jonli xalq tili 
boyliklaridan foydalanish xususiyati xos.
Said Ahmad eng qiyin, qayg’uli damlarda ham kulgining etagidan mahkam 
tutdi, hayot qiyinchiliklarini, ziddiyatlarini kulgi bilan yengdi, u yaratgan 
qahramonlarda ham shu fazilat mujassamlandi. Adib kulgi orqali yaxshi kayfiyat, 
o‘z kuchiga, qudratiga, haqiqat tantanasiga ishonch ruhini baxsh etib keldi. 
Yumor yozuvchi iste’dodining eng yorqin jilolaridan biridir. Bu jilo shu 
qadar yorqinki, uning kulgisi mamlakatimiz chegarasidan oshib, boshqa xalqlar 
hayotiga shodlik ulashyapti, yozuvchi komediyalarining shuhrati buning isbotiidr. 
Yumor bu hayotning o‘zidir. Said Ahmad kulgisining ta’sirchanligi, qudrati, 
umrboqiyligi, sodda, pokiza va samimiyligidadir. Kulgi Said Ahmad asarlarining 
yuragiga aylangan. Adib kulgisi hamisha ezgulikka chorlaydi. 

---

Biz bitiruv malakaviy ishimizda Said Ahmad hajviyotining muhim 
qirralarini tahlil qilish jarayonida quyidagi xulosalarga keldik: 
1.
Said Ahmad – mohir yumorist, hajviy asarlar yaratishda san’atkor. 
2.
Yozuvchi tug’ma talant sohibi, u tug’ma yumor hissiga ega shaxs. 
3.
U hayotning o‘zidan oziqlandi, xalq og’zaki ijodidan bahramand bo‘ldi. 
4.
Yozuvchi kulgi mavzusini tanlay oladi, kulgini, kulgili holatni yaxshi 
tushunadi va o‘quvchiga yetkazaib bera oladi. 
5.
Said Ahmad komediyalari tili va uslubi ravon, sodda, obrazli, xalqchil 
va tushinarlidir.