Qarshi davlat univers

2. 7, 8, va 9-sinflarda o’qitiladigan “Milliy istiqlol g’oyasi va ma’naviyat asoslari” predmetining nomini “Milliy g’oya va ma’naviyat asoslari” deb, O’rta maxsus, kasb-hunar ta’limi muassasalari uchun tuzilgan “Milliy istiqlol g’oyasi” o’quv qo’llanmasi nomini esa “Milliy g’oya” shaklida o’zgartirish kerak. Chunki Oliy o’quv yurtlarida o’rganilayotgan ayrim darslik va o’quv qo’llanmalarni inobatga olmaganda va umuman ilmiy adabiyotlarda bugungi kunda “milliy g’oya” atamasi qo’llanilmoqda. Ilmiy tushunchalarni birxillashtirish fan va o’quv jarayoni uchun juda muhim. Bundan tashqari, milliy istiqlolga erishganimizga sal kam chorak asr bo’lmoqda. Endi biz uchun istiqlolga erishish va uni mustahkamlash emas, balki milliy taraqqiyotning yangi bosqichiga ko’tarish dolzarbroqdir. Ushbu jihatdan ham “milliy istiqlol g’oyasi” o’rniga “milliy g’oya” tushunchasi qo’llanilishi mantiqiyroqdir.
3. Predmetlararo bogliqlik va davomiylikni ta’minlash uchun darsliklar mualliflarini uchrashtirish va ular faoliyatini muvofiqlashtirish zarur. Eng avvalo ta’limning turli bosqichlari uchun birgalikda ma’naviyat asoslari predmetlari bo’yicha dastur ishlab chiqish kerak. Birgalikda ishlab chiqilgan dasturda qaysi bosqichda nimalarni o’qitish va predmetlar o’rtasidagi bog’liqlik va davomiylikni kelishib olish mumkin. Bir-birini ishidan bexabar mualliflar guruhlari tuzgan dasturlar va yozgan darsliklar, o’quv qo’llanmalarida ba’zi mavzularning takrorlanishi, yoki darsliklarning o’rtasidagi uzulishlar bo’lishi va shunga o’xshash kamchiliklar kuzatilishi tabiiydir.
82