Qarori ilmiy unvonlar berish tartibi to‘G‘risidagi nizomni tasdiqlash haqida

5-bob. Ilmiy unvonga qayta taqdim etish

Oldingi tahrirga qarang.

36. OAKda ko‘rib chiqilgan va ilmiy unvon berish rad qilingan yoki ko‘rish jarayoni to‘xtatilgan attestatsiya ishi Kengash tomonidan quyidagi muddatlarda OAKga qayta taqdim etilishi mumkin:

(36-bandning birinchi xatboshisi O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2017-yil 31-maydagi 239/5-sonli qarori (ro‘yxat raqami 2793-2, 23.06.2017-y.) tahririda — O‘R QHT, 2017-y., 25-son, 570-modda)

OAK Rayosatining ilmiy unvon berishni rad qilish to‘g‘risidagi qarori qabul qilingan kundan e’tiboran kamida bir yil o‘tgach;

OAK Rayosatining qarori yuzasidan berilgan apellatsiya bo‘yicha rad javobini berish to‘g‘risidagi qaror qabul qilingan kundan e’tiboran kamida uch yil o‘tgach;

Oldingi tahrirga qarang.

talabgorning arizasiga asosan muhokamadan olinib, ko‘rishdan to‘xtatilgan attestatsiya ishi bo‘yicha tegishli kamchiliklar bartaraf etilgandan so‘ng.

(36-bandning to‘rtinchi xatboshisi O‘zbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 2017-yil 31-maydagi 239/5-sonli qarori (ro‘yxat raqami 2793-2, 23.06.2017-y.) tahririda — O‘R QHT, 2017-y., 25-son, 570-modda)

37. Kengash tomonidan ilmiy unvonga qayta taqdim etilganda mazkur Nizom talablari bajarilgan hamda talabgor yangi o‘quv-uslubiy/ilmiy ishlar nashr ettirgan bo‘lishi shart.