Qarori charm-poyabzal va mo‘ynachilik sohalarini yanada rivojlantirishga doir qo‘shimcha chora-tadbirlar to‘G‘risida

O‘zbekiston Respublikasi Prezidenti Sh. MIRZIYOYEV
Toshkent sh.,
2021-yil 8-fevral,
PQ-4982-son
O‘zbekiston Respublikasi Prezidentining 2021-yil 8-fevraldagi PQ-4982-son qaroriga
1-ILOVA

O‘zbekiston Respublikasi Prezidentining ayrim qarorlariga kiritilayotgan qo‘shimcha va o‘zgartirishlar
1. O‘zbekiston Respublikasi Prezidentining 2018-yil 3-maydagi “Charm-poyabzal va mo‘ynachilik sohalarini rivojlantirish va eksport salohiyatini oshirishni yanada rag‘batlantirish chora-tadbirlari to‘g‘risida”gi PQ-3693-son qarorida:
a) 10-bandning to‘rtinchi xatboshi “charm, mo‘yna, qorako‘l xomashyosi va junni qayta ishlash, shuningdek, butlovchi buyumlar, furnitura,” so‘zlaridan keyin “aksessuarlar, poyabzal qoliplari” so‘zlari bilan to‘ldirilsin.
b) 11-bandning beshinchi xatboshi quyidagi tahrirda bayon etilsin:
“Mazkur qarorda nazarda tutilgan imtiyozlar va preferensiyalar “O‘zcharmimpeks” UKga nisbatan ushbu bandda qayd etilgan vazifalarni amalga oshirishga, shu jumladan “O‘zcharmimpeks” UK tomonidan import qilingan asbob-uskunalar, butlovchi buyumlar, respublikada ishlab chiqarilmaydigan xomashyo, materiallar va furnituralarni charm, mo‘yna xomashyosi va jun tayyorlash, saqlash va qayta ishlash, chorva mollarini avtomatlashtirilgan holda so‘yish, jun, qorako‘l va sun’iy charmdan buyumlar, charm-attorlik mahsulotlari, poyabzal ishlab chiqarish bilan shug‘ullanuvchi tashkilotlarga ularning o‘z ishlab chiqarishida foydalanishi uchun sotishga tatbiq etilsin”.
2. O‘zbekiston Respublikasi Prezidentining 2019-yil 16-sentabrdagi “Yengil sanoatni yanada rivojlantirish va tayyor mahsulotlar ishlab chiqarishni rag‘batlantirish chora-tadbirlari to‘g‘risida”gi PQ-4453-son qarorida:
a) 2-bandining:
“b” kichik bandi quyidagi tahrirda bayon etilsin:
“b) O‘zbekiston Respublikasi bojxona chegarasi orqali paxta ip-kalavasi va trikotaj matoni olib chiqishda 2021-yil 1-yanvardan boshlab olib chiqiladigan har bir kilogramm ip-kalava uchun 0,01 AQSh dollari, 2022-yil 1-yanvardan olib chiqiladigan har bir kilogramm ip-kalava va trikotaj mato uchun 0,05 AQSh dollari, 2023-yil 1-yanvardan — 0,1 AQSh dollari, 2025-yil 1-yanvardan — 0,2 AQSh dollari miqdorida yig‘im undiriladi”;
“v” kichik bandi birinchi xatboshisi quyidagi tahrirda bayon etilsin:
“v) mazkur bandning “b” kichik bandida ko‘rsatilgan mablag‘larning (trikotaj mato eksportidan undirilgan yig‘imlar bundan mustasno) 75 foizi, “O‘zto‘qimachiliksanoat” uyushmasining alohida bank hisob raqamiga quyidagilar uchun yo‘naltiriladi:”.
b) 3-bandining to‘rtinchi xatboshidagi “majmualarni ishga tushirayotgan” so‘zlari “majmualarga ega va ularni yangidan ishga tushirayotgan” so‘zlari bilan almashtirilsin.
3. O‘zbekiston Respublikasi Prezidentining 2020-yil 26-iyundagi “Respublikada qo‘lda to‘qilgan gilamchilik sohasini rivojlantirish chora-tadbirlari to‘g‘risida”gi PQ-4759-son qarorida:
a) 4-bandining ikkinchi xatboshidagi ““O‘zbekipaksanoat” uyushmasi” so‘zlari ““O‘zbekipaksanoat” va “O‘zcharmsanoat” uyushmalari” so‘zlari bilan almashtirilsin;
b) 11-bandining uchinchi xatboshi quyidagi tahrirda bayon etilsin:
“Davlat bojxona qo‘mitasi, Davlat statistika qo‘mitasi bilan birgalikda “O‘zbekipaksanoat” va “O‘zcharmsanoat” uyushmalari tarkibidagi qo‘lda gilam to‘qish bilan shug‘ullanuvchi korxonalar tomonidan eksportga sotilgan gilamlarni tegishincha ushbu uyushmalarning eksport ko‘rsatkichlarida aks ettirsin.”


(Qonun hujjatlari ma’lumotlari milliy bazasi, 09.02.2021-y., 07/21/4982/0094-son)