Qarori avtomobil transporti haydovchilari mehnatiga haq to‘lashning umumiy shartlari to‘G‘risidagi nizomni tasdiqlash haqida

4-bob. Transport vositasini ta’mirlash va unga texnik xizmat ko‘rsatish davrida
haydovchilarning mehnatiga haq to‘lash
12. Haydovchilarga biriktirilgan avtomobillar ta’mirlash yoki texnik xizmat ko‘rsatish uchun olib
qo‘yilgan hollarda ular haydovchilar ixtisosligi bo‘yicha boshqa avtomobillarda xizmat qilishlari
lozim.
13. O‘ziga biriktirilgan avtomobillarning bekor turib qolishi (nosozligi yoki to‘liq emasligi,
ixtisosligi bo‘yicha ish yo‘qligi) tufayli avtomobil haydovchilari avtomobillarni ta’mirlash va ularga
texnik xizmat ko‘rsatish bo‘yicha ishlarga (yoki boshqa kasbga ishlashga) o‘tkazilgan hollarda bekor
turib qolgan butun vaqt uchun ularning mehnatiga bajariladigan ish bo‘yicha, biroq avvalgi (asosiy)
ish bo‘yicha o‘rtacha oylik ish haqidan kam bo‘lmagan miqdorda haq to‘lanadi.
Haydovchilar avtomobillarga texnik xizmat ko‘rsatish va ularni ta’mirlash ishlariga
o‘tkazilganda ularga ushbu davrda malaka darajasi uchun beriladigan ustama haq to‘lanmaydi.
14. Ta’mirlovchi va xizmat ko‘rsatuvchi xodimlarning maxsus shtatini saqlashga ehtiyoj
bo‘lmagan va shuning uchun haydovchilar ish vaqtida avtomobillarni ta’mirlash va ularga texnik
xizmat ko‘rsatish bo‘yicha ishlarni bajaradigan tashkilotlarda (agar bu ishlarni texnik xizmat
ko‘rsatish stansiyalarida yoki avtotransport tashkilotida bajarish imkoni bo‘lmasa) mazkur ishlarni

---

bajarish vaqti uchun haydovchilarga belgilangan shartlarga muvofiq mazkur Nizomning 
12-
bandida 
belgilangan ustamalar va qo‘shimcha haqlarni hisobga olgan holda haq to‘lanadi.
5-bob. Haydovchilarga to‘lanadigan boshqa haq turlari
Oldingi
 tahrirga qarang.
15. Mazkur Nizomning 
3-bobida 
ko‘rsatilmagan mukofot berish, moddiy yordam va boshqa
rag‘batlantiruvchi to‘lovlar hamda kompensatsiya to‘lovlarni to‘lash qonunchilik hujjatlarida
belgilangan tartibda qabul qilingan xodimlar mehnatiga haq to‘lashga doir tashkilotning lokal
hujjatlariga muvofiq amalga oshiriladi.
(15-band O‘zbekiston Respublikasi adliya vazirining 2021-yil 28-iyuldagi 16-mh-sonli 
buyrug‘i
 (ro‘yxat
raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-
son)
Oldingi
 tahrirga qarang.
16. Haydovchining aybi bo‘lmagan holda bo‘sh turib qolgan vaqt uchun ish haqi qonunchilik
hujjatlarida belgilangan o‘rtacha oylik ish haqi miqdorida to‘lanadi.
(16-bandning birinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-
sonli 
buyrug‘i
(ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi,
28.07.2021-y., 10/21/3313/0724-son)
Haydovchining aybi bilan bo‘sh turib qolgan vaqt uchun ish haqi to‘lanmaydi.
17. Ikki nafar haydovchi bir vaqtda bir avtomobilda uzoq reysga yuborilgan hollarda har bir
haydovchiga ish haqi reysga sarflangan ish vaqti hisob-kitobidan kelib chiqib vaqtbay to‘lanadi.
Mehnatga ishbay haq to‘langanda avtomobil haydovchilarining ishbay haqi malaka darajasiga
egalik uchun ustama haqni hisobga olmagan holda teng ulushlarda haydovchilar o‘rtasida
bo‘linadi.
Agar uzoq reyslarga yuborilgan haydovchilarga yo‘nalish varag‘iga muvofiq avtomobildan
tashqari smenlararo dam olish vaqti berilsa (mehmonxonada, kempingda, xizmat yoki ijara uyida),
bu vaqt ish vaqtiga kiritilmaydi va unga haq to‘lanmaydi.
18. Jamoaviy shartnomalarda haydovchilarga boshqa ustamalar va qo‘shimcha haqlar nazarda
tutilishi mumkin.