Qarori arxiv ishi bo‘yicha me’yoriy hujjatlarni tasdiqlash to‘G‘risida

3-§. Arxivlarni tashkil etish va faoliyat yuritishiga qo‘yiladigan talablar
14. Arxivlarni tashkil etish va ularning faoliyatni amalga oshirishni boshlashi uchun quyidagi shart-sharoitlar talab etiladi:
moddiy-texnika baza (metall stellajlar, saqlash joylarida namlik-harorat me’yorini ta’minlash tizimlari, o‘lchash asboblari), shu jumladan bino (xonalar), arxiv hujjatlarini saqlashni tashkil etish va ulardan foydalanish talablariga mos qo‘riqlash vositalari va yong‘inga qarshi vositalar mavjudligi;
arxiv ishi bo‘yicha faoliyatni amalga oshirish uchun normativ-huquqiy va uslubiy bazalarning mavjudligi;
arxivlar faoliyatini tashkil etish bo‘yicha maxsus kurslarda tahsil olgan arxiv ishi bo‘yicha mutaxassislar mavjudligi.
15. Arxivlarning faoliyatni amalga oshirishiga tegishli arxiv ishi bo‘yicha hududiy boshqarma ekspert-tekshiruv komissiyasining arxiv hujjatlarini saqlash sharoitlari va arxivning ta’minlanganligini o‘rganish natijalariga asosan ijobiy xulosasi mavjud bo‘lganda yo‘l qo‘yiladi.
Ekspert-tekshiruv komissiyalari faqat arxiv ishi bo‘yicha hududiy boshqarmalar huzurida tashkil etiladi.