Qadim Mirzacho'l bag'ridagi Jizzax shahrida faoliyat yuritayotgan Politexnika institutiga dastlabki tamal toshi 1977-yilda qo'yilgan



Download 14.69 Kb.
Sana12.04.2017
Hajmi14.69 Kb.
Qadim Mirzacho'l bag'ridagi Jizzax shahrida faoliyat yuritayotgan Politexnika institutiga dastlabki tamal toshi 1977-yilda qo'yilgan. Xuddi shu yili Jizzax shahrida Toshkent Politexnika institutining "Umumtexnika" fakulteti tashkil etildi. 1980-yilda  ushbu fakultet Toshkent Politexnika institutining Jizzax filialiga aylantirildi. Mamlakatimiz davlat mustaqilligiga erishgandan keyin kimyoviy texnologiya, elektroenergetika, iqtisod, qurilish, transport sohalaridagi milliy kadrlarga bo'lgan talab va ehtiyojlar inobatga olingan holda Toshkent Politexnika institutining Jizzax filiali, Toshkent Arxitektura va qurilish institutining Jizzax filiali, Toshkent Kimyo-texnologiya hamda Toshkent Avtomobil yo'llari institutlarining Jizzaxdagi "Umumtexnika" fakultetlari bazasida O'zbekiston Respublikasi Prezidentining 1992-yil 28-fevraldagi Farmoni va O'zbekiston Respublikasi Vazirlar Mahkamasining 1992-yil 11-martdagi qaroriga asosan Jizzax Politexnika instituti tashkil etildi.

Yangi tashkil etilgan fakultetga viloyat rahbariyati tomonidan "Jizzaxcho'lqurilish" tresti homiy sifatida tayinlandi. Trest boshlig'i P.X. Kan fakultetning oyoqqa turishida yaqindan yordam berdi.

1980-yilda "Umumtexnika" fakulteti Toshkent Politexnika institutining Jizzax filialiga aylantirilgan davrda 20 dan ziyod yoshlar aspirantura va stajirovkaga jo'natildi. Ularning ko'pchiligi ilmiy ishlarini himoya qilib, hozirgi kunda institutda faoliyat ko'rsatmoqda. Fakultet va filialga dastlabki yillarda dotsent N.Yu. Tashlanov(1977-1983), professor F.H. Qurbonov(1983-1986), texnika fanlari nomzodi S.I. Ikromov(1986-1988), dotsent U.Yu. Yuldashev(1988-1990), dotsent A.Yu. Salimov(1991)lar rahbarlik qilishgan. Filial mustaqil institutga aylantirilgan dastlabki vaqtda institut rektori vazifasini bajaruvchi etib texnika fanlari nomzodi, dotsent M.T. Turopov tayinlandi.

1980-yilda hozirgi institut binosi qurilishi uchun 23 gektar er ajratilib, 1000 talabaga mo'ljallangan o'quv binosi va 800 talabaga mo'ljallangan yotoqxona qurilishi rejalashtirildi. Institut o'quv va yotoqxona binolari qurilishining oxiriga etkazilishida U.Yu. Yuldashev astoydil harakat hildi va filial qoshida "Beruniy" nomli firma tashkil etdi. Bu ishlarning nihoyasiga etkazilishida filial direktori U.Yu. Yuldashev bilan birgalikda dotsent K.T. Tagmatov, yoshlar etakchisi X. Meliev, qurilish shtabi boshlig'i dotsent M. Turopovlar rahbarligida jamoa a'zolari jonbozlik ko'rsatib mehnat qildilar.

Filial tashkil etilgan dastlabki yillarda rahbarlik qilgan dotsent N.Yu. Tashlanov tashabbusi bilan Jizzax tumanidagi Qorasoy qishlog'ida talabalarning geologiya va geodeziya fanlaridan yozgi amaliyot o'tkazishlari uchun 3 gektar er ajratildi va u erda talabalarning amaliyot o'tashlari va dam olishlari uchun binolar qurildi. hozirgi kunda bu joy institut jamoasining sevimli dam olish maskaniga aylangan.  

1983-1986-yillarda filialga professor Q.Q. Qurbonov rahbarlik qilgan yillarda o'quv-laboratoriya xonalari o'quv jihozlari bilan yanada boyitildi. Sobiq Ittifoq va respublikadagi yirik oliy o'quv yurtlari bilan ilmiy-uslubiy aloqalar o'rnatildi, ilmiy ishlar salmog'i ortdi, xo'jalik shartnomalari asosida ilmiy ishlanmalar yaratish ishlari boshlandi. O'zbekistonda ilk bor elektrokimyoviy ishlab chiqarish texnologiyasi mutaxassisligi bo'yicha mutaxassislar tayyorlash ushbu oliy o'quv maskanida yo'lga qo'yildi. Buning samarasi o'laroq, hozirgi kunga qadar "O'zEksayd" O'zbekiston-Amerika qo'shma korxonasi, Navoiy, Chirchiq elektrokimyoviy kombinatlari, Toshkent zargarlik buyumlari zavodi, "Mikond" zavodi va respublikamizdagi boshqa ko'plab korxonalarga elektrokimyoviy texnologiya  mutaxassisligi bo'yicha malakali kadrlar etkazib berilmoqda.    

O'zbekiston Respublikasi Vazirlar Mahkamasining 1992-yil 25-dekabrdagi qaroriga asosan akademik N.R. Rashidov Jizzax Politexnika institutining rektori etib tayinlandi. Texnika fanlari doktori, professor, respublika qishloq xo'jalik fanlari akademiyasining akademigi, O'zbekistonda xizmat ko'rsatgan mexanizator, O'zbekistonda xizmat ko'rsatgan fan arbobi, Beruniy nomidagi Davlat mukofotining laureati Nosir Rashidovich Rashidov rahbarlik qilgan davrda institutning o'quv-ilmiy, moddiy-texnik bazasi zamonaviy texnik vositalar bilan yanada boyitildi.

Bu davrda institutda yangi mutaxassisliklar bo'yicha kadrlar tayyorlanishi yo'lga qo'yilganligi munosabati bilan  yangi yo'nalishdagi kafedralar va fakultetlar tashkil etildi. O'quv maskanida zamonaviy o'quv-laboratoriya xonalari va kompyuter sinflari yangitdan jihozlandi. Akademik N.R. Rashidovning bevosita yordami bilan U.Yu. Yuldashev, I.T. Tirkashev, T. Muqumovlar fan doktori ilmiy darajasiga erishdilar, 20 dan ortiq yoshlar nomzodlik ilmiy ishlarini himoya qildilar. Bular orasida institutni bitirib, shu dargohda ilmiy-pedagogik faoliyatini boshlagan O. Burhonov, K. Jo'raev, B. Matniyazov, B. Meliev, I. Ganiev, B. Muxtorov, X. Asatullaev kabi iqtidorli yosh ilmiy kadrlar ham bor edi.     

2002-yil aprel oyidan 2003-yil iyuligacha dotsent B.I. Matniyazov institut rektori vazifasini bajaruvchi bo'lib ishladi. Bu vaqtda institut o'quv jarayoniga boshqa oliy o'quv yurtlaridan muhandis-pedagog olimlar jalb qilinishi evaziga fan doktorlari soni 4 nafardan 15 nafarga ko'paydi.  Dekanatlar, kafedralar, kutubxona va boshqa bo'limlar kompyuter bilan ta'minlandi, institutda magistratura tashkil etildi.

2003-yil iyulidan Jizzax Politexnika institutiga texnika fanlari doktori, professor Ibrohim Solihovich Sodiqov rektor etib tayinlandi. I.S. Sodiqov 1995-2003-yillarda Toshkent Avtomobil yo'llari institutida  fakultet dekani, prorektor lavozimlarida faoliyat yuritgan. Kafedrada olib borilgan ilmiy-tadqiqot va ilmiy-uslubiy ishlari samarasi sifatida 100 ga yaqin  ilmiy maqola, uslubiy qo'llanma, shu jumladan, ikki qismdan iborat ilmiy monografiya, bir nechta darsliklar chop ettirgan, shu bilan birga o'ndan ortiq  me'yoriy hujjatlar muallifi hamdir. Bulardan tashqari "Avtomobil yo'llari atamalarining izohli lug'ati" ni nashrga tayyorlagan.

Avtomobil yo'llari ixtisosligi bo'yicha respublikamizdagi etakchi olim sifatida Osiyo Taraqqiyot va rivojlanish bankining xalqaro Ipak yo'lini rivojlantirish dasturlarida (1999-2003-yillar) ekspert sifatida ishlagan, Р•vropa xalqaro muhandis-pedagogi diplomi sohibi. Professor I.S. Sodiqov 2003-yilda AQShda ilmiy safarda bo'lib, avtomobil transportida sertifikatlash bo'yicha malakasini oshirgan. Olim avtomobil yo'llarining transport-ekspluatatsion sifatlarini prognozlash  va boshqarish yo'nalishi asoschisidir.     
            
Ma'lumki, bugungi kunda  oliy ta'limda innovatsion dasturlar va investitsion loyihalar asosida  ta'lim  va o'qitish sifati oshirilmoqda. Jumladan, Jizzax politexnika institutida ham  ma'naviy va ma'rifiy, o'quv va o'quv-uslubiy ishlar, ilg'or pedagogik texnologiyalarni o'quv jarayoniga qo'llash, ilmiy-tadqiqot  va ilmiy-pedagogik kadrlarni tayyorlash ishlari, moddiy-texnik baza va moliyaviy ahvolni yaxshilash, viloyatdagi mavjud akademik litsey va kasb-xunar kollejlariga uslubiy yordamlar, ularning professor-o'qituvchilarini shartnoma asosida qayta tayyorlash va malakasini oshirish bo'yicha  ma'lum bir  ishlar amalga oshirilmoqda.

Ma'lumot uchun:

Umumiy ma'lumotlar



Qisqartma:

JizPI

Muassasa turi:

Oliy ta'lim muassasasi

Manzil:

130100, Jizzax shahri, X.Do‘stligi ko‘chasi 4

Veb-sayt:

www.djizpi.uz

Avtobus yo'nalishlari:

4,19

Faks:

8(372)2264547


Do'stlaringiz bilan baham:


Ma'lumotlar bazasi mualliflik huquqi bilan himoyalangan ©hozir.org 2017
ma'muriyatiga murojaat qiling

    Bosh sahifa