Qadam 1 Xamirini tayyorlab olamiz

Tuxum-barak tayyorlash
Tuxum-barak – eng sevimli va kamxarj milliy taomlarimizdan biri bo’lib, uning kelib chiqishi Xorazm viloyatiga borib taqaladi. Bunday taomni tayyorlashda umuman ko’p bo’lmagan masalliqar talab qilinadi, ammo pishirish jarayoni biroz ter to’kishingizga majbur qiladi.
Qadam 1
Xamirini tayyorlab olamiz:
Kattaroq qozonga tuxum, suv va tuzni solamiz. Aralashtiirb olamiz. Unni elab ustidan solamiz va qattiqroq xamir qorib olamiz.
Qadam 2
Xamirni aylana shaklga keltirib, ustini yopamiz va 20 daqiqaga tindirib qo'yamiz.
Qadam 3
Asosini tayyorlab olamiz:
Tuxumlarni kattaroq idishga chaqib solamiz. Ustidan sut, o'simlik yog'i, tuz va murchni solamiz. Sanchiqda aralashtirib olamiz.
Qadam 4
Qozonga suv quyib, tuz va 1 osh qoshiq o'simlik yog'idan solamiz. Gazga qo'yamiz.
Qadam 5
Tingan xamirni olib, 1,5-2 mm yupqalikda yoyib olamiz.
Qadam 6
Yoyilgan xamirni ustma-ust taxlab, eniga 4 sm dan qilib kesib chiqamiz. So'ng kesilgan uzun lentalarni yana ustma-ust taxlab chiqamiz va endi ularni 8 sm kattalikda kesib chiqamiz.
Qadam 7
Piyolachaga yarim qiliv suv va 1 choy qoshiq tuz solamiz. Aralashtirib olamiz.
Qadam 8
Kesilgan xamirlarni bittadan olib, ikkita chetini yopishtirib chiqamiz. Yopishishi oson kechishi uchun qo'limizni tuzli suvda namlab, xamir chetiga surtamiz va yopishtirib chiqamiz.
Qadam 9
Tayyorlab qo'ygan xamirlarni ustini yopib qo'yamiz. Qozon oldiga xamir va tuxumli aralashmani olib kelamiz.


Qadam 10
Xamirlarni bittadan olib, ichiga 1-2 osh qoshiqdan tuxumli aralashma quyamiz. Va ochiq joyini yana yopishtririb chiqamiz. Darhol qaynayotga suvga solib, 3-4 daqiqa davomida qaynatib pishiramiz. Xamir qotib qolishi mumkin, shu sababli tez-ez qilishga harakat qilamiz.
Qadam 11

Pishgan tuxum baraklarnni katta laganga terib, ustidan eritilgan sariyog' surtamiz. So'ng esa smetana yoki qaymoq bilan birga dasturxonga tortamiz.

Yoqimli ishtaha!