Qachonlardir hatto Pushkin ham Ermitajga kira olmagan

Rossiyaning eng yirik muzeyi - Ermitajga 250 yildan oshdi. Bu mamlakatning eng yirik muzeyi. Quyida biz sizga ko'pchilikka ma'lum bo'lmagan eng qiziq faktlarni to'pladik.
Qachonlardir hatto Pushkin ham Ermitajga kira olmagan.
Ermitaj Buyuk Ekaretinaning shaxsiy kollektsiyasi sifatida paydo bo'ldi: imperator ayol 183 ming talerga 317 qimmatbaho rasm to'plamini sotib oldi. Polotnolar saroyning alohida xonalariga joylashtirilgan, shundan ham fransuzchadan “ermitaj” so’zi yolg’iz, alohida makon nomini bildiradi. Ushbu saroydagi jamlanma asta-sekin yangi nusxalar bilan to'ldirilgan,ammo har bir kishi ham zallarga tashrif buyurolmagan. Hatto , Aleksandr Pushkin kollektsiyani faqatgina Vasiliy Jukovskiyning talablaridan so'nggina ko'rishga muvaffaq bo'ldi.

Ermitaj 1852 yilda Nikolay I tomonidan mehmonlar uchun ochilgan va 1880 yilga kelib muzeyga 50 ming kishi tashrif buyurgan. Imperator muzey atrofida yolg’iz aylanib yurishni juda yaxshi ko'rar edi: o'sha vaziyatda unga ichki masalalarda turli savollar bilan murojat qilish mumkin bo’lmagan.

Mushuklar Ermitajda ishlaydi
Birinchi marta mushuklar Elizabetta Petrovna qishki saroyida paydo bo'lgan: imperator ayol mushuklarni saroyga olib kelish tog’risidagi farmonini saroyda kalamushlar paydo bo'la boshlaganidan va ular san’at asarlarini nobud qilishni boshlaganlaridan so'ng chiqarganlar. Shundan so’ng esa ushbu jonivorlarni san’at asarlari soqchilari degan unvon bilan siyladi. 

Bugungi kunda muzeyda taxminan 70 ta mushuk yashaydi va ular ko'pincha "erkin xodimlar" deb nomlanadi. Mushuklar o’zlarining pasportlariga ham ega va ular ko'rgazma zallaridan tashqari hamma joyda erkin yurishlari mumkin. Mushuklar muzeyning haqiqiy afsonasi bo'lib, ularga sovg'alar yuborishadi , ular haqida filmlar tayyorlangan (Ermitaj ishchilari hazilida aytilganidek , Rembrandtdan ham ko’proq ular haqida) va maqolalar yozilgan. Muzeyga nabirasi bilan birga tashrif buyurgana merikalik Meri En Ellin hatto Ermitaj mushuklariga bag'ishlangan bolalar uchun kitob yozgan.