Q. X. Abdurahmonov, Sh. R. Xolmo’minov, N. Q. Zokirova, A. B. Irmatova personalni boshqarish darslik

“Boshqaruv 
avtomat tizimi - attestatsiya”
dasturi orqali ham o’tkazish tajribasi 
mavjud. Buning uchun komp’yuterlarda personal ma’lumotlar bazasi 
yaratiladi. Ma’lumotlar korxonadagi “Boshqaruv avtomat tizimi - kadrlar” 
dasturidan olinishi mumkin. Kompaniya yoki firmada bunday dasturlar 
tizimi mavjud bo’lmasa, xodimlar to’g’risidagi ma’lumotlar personalni 
boshqarish xizmati tomonidan tayyorlanadi. Shundan so’ng rahbariyat, 
attestatsiya qilinayotgan xodim hamkasblari va attestatsiyadan o’tayotgan 
bo’ysunuvchi xodimlardan iborat uch darajali ekspert komissiyasi 
shakllantiriladi. Ular baholashni komp’yuter orqali attestatsiya 
qilinayotgan xodimning savollarga javoblari asosida amalga oshiradilar. 
Attestatsiya qilinayotgan xodim savollarga javoblari asosida o’zini-o’zi 
ham baholash imkoniga egadir.
Ekspertlar bahosi hamda xodimning o’zini-o’zi baholashi asosida 
yakuniy baho chiqariladi hamda tegishli xulosalar tayyorlanadi. 
Komp’yuter orqali amalga oshirilgan attestatsiya natijasida olingan 
baholar xodim attestatsiyasidan kamida bir hafta avval attestatsiya 
komissiyasiga tahlil qilish va kelgusi ishda foydalanish uchun taqdim 
etiladi. Bu natija komissiya uchun yordamchi ma’lumotlar vazifasini 
428

---

o’taydi.
Yakunlovchi bosqichda
korxona rahbariyati attestatsiya natijalari 
bo’yicha qaror qabul qiladi. Bunda quyidagilar hisobga olinadi:
-
atestatsiya qilingan xodim to’g’risida bevosita rahbarining fikr-
mulohazalari bayoni;
-
attestatsiya qilingan xodim faoliyatining, uning tarmoqdagi 
uzluksiz ta’lim tizimida malakasini oshirishining baholanishi;
-
attestatsiya qilingan xodim malaka, amaliy va shaxsiy 
sifatlarining baholanishi hamda ushbu sifatlarning ish joyi talablariga 
muvofiqligi;
-
attestatsiya qilingan xodim faoliyati to’g’risida attestatsiya 
komissiya har bir a’zosining fikri;
-
xodimning avvalgi attestatsiyasi materiallarini joriy attestatsiya 
ma’lumotlari bilan taqqoslash natijalari;
-
attestatsiya qilingan xodimning o’zining o’z ishi va mavjud 
salohiyati imkoniyatlaridan foydalanishi to’g’risidagi fikri.
Attestatsiyada xodimning mehnat intizomiga rioya qilishi, qo’yilgan 
vazifalarni hal etishdagi mustaqilligi, o’z-o’zini takomillashtirishga 
intilishiga alohida ahamiyat beriladi.
Attestatsiya komissiyasi attestatsiya qilingan xodimni yuqori 
lavozimga ko’tarish, erishilgan muvaffaqiyatlar uchun mukofotlash, ish 
haqini ko’paytirish, boshqa ishga o’tkazish, egallab turgan lavozimidan 
bo’shatish va hokazolar to’g’risida tavsiya beradi. Attestatsiya 
komissiyasining xulosa va tavsiyalaridan korxonada kadrlar siyosatini 
amalga oshirishda foydalaniladi.
Attestatsiya qilinayotgan xodimlarga nisbatan attestatsiya komissiyasi 
va rahbariyatning sub’ektiv xulosalaridan ijtimoiy himoyalash vositasi 
sifatida xodimga qo’yilgan baholar hamda xulosalar salmog’i (10.7- 
jadval) ham hisobga olinadi.
Xodimni attestatsiya qilish paytida, albatta, uning mehnatiga 
haqto’lash shart va sharoitlari baholari, texnologiya jarayonini va ish joyini 
takomillashtirish yuzasidan takliflar umumlashtiriladi, personal kasb 
malakasini oshirish chora-tadbirlari belgilanadi.
Personal attestatsiyasi xodimlarning muayyan davrdagi faoliyati 
natijalarini baholash bo’lib, mehnatni boshqarish umumiy jarayonining 
tarkibiy qismi hisoblanadi.
429

---

10.7 – jadval