Q. X. Abdurahmonov, Sh. R. Xolmo’minov, N. Q. Zokirova, A. B. Irmatova personalni boshqarish darslik

maqsadga erishishga 
ta’sir ko’rsatuvchi sifatlar
- unumdorlik omillariga qarab baholashdir. 
Bunda xodimning ishlab chiqilgan mezonlarga erishish imkonini 
408

---

beradigan sifatlari (unumdorlik omillari) belgilanadi. Bu unumdorlik 
omillariga xodimning kasbiy va ishlab chiqarish ko’nikmalari, bilimi, 
qobiliyati va hokazolar kiradi.
Baholashning bu usulida mezonlar aniqbo’lishi talab etiladi. 
Xodimning unumdorlik omillarining tahlili natijalari maxsus blankda qayd 
etib boriladi. Bu esa xodimlar faoliyatini barcha darajalarda nazorat qilib 
borish imkonini beradi. Rahbar xodim faoliyatini maxsus blanqda qayd 
etilgan natijalariga tayangan holda hamda uning faoliyatini kuzatib borish 
orqali baholaydi. Xuddi ana shu, ayni paytda, ushbu tizimning nuqsoni 
ham hisoblanadi. Chunki rahbar tomonidan xodim faoliyatini muntazam 
nazorat qilib borishi xodimning o’z vazifalarini bajarishiga xalaqit beradi, 
erkinligini cheklaydi.
Hozirgi vaqtda faoliyat natijalarini baholash mehnat jamoasini 
shakllantirish va rivojlantirishning asosiy vositalaridan biriga aylaigan. 
Zamonaviy menejerning ushbu sohada chuqur bilimga ega bo’lishi 
rahbarlik uslubining asosiy xususiyatidir.
Personalni boshqarish xizmati mutaxassislari fikricha, faoliyat 
natijalarini baholash oshkora bo’lishi kerak. Shu holdagina har bir xodim 
o’z faoliyati natijalarini boshqalarniki bilan taqqoslay oladi va o’ziga 
tegishli xulosalar chiqaradi. Rahbariyat esa ob’ektiv baholash natijalariga 
qarab xodimlarni moddiy jihatdan rag’batlantirish, xizmat lavozimida 
o’stirish, shu bilan birga ishlab chiqarish jarayonlariga tegishli 
o’zgartirishlar kiritish to’g’risida asoslangan qarorlar qabul qila oladi.
Ayni vaqtda mutaxassislarning tadqiqotlari faoliyat natijalarini 
baholashi zarur, biroq personal bo’yicha qaror qabul qilish uchun etarli 
emasligidan dalolat bermoqda. Shuning uchun