Q. Atanazarov 20 y

Amaliyot hujjatlari va ularni yuritish tartibi
Talaba amaliyot davrida «Kundalik», «Kasal hayvonlarni qayd etish» jurnali (№ 1-Vet.) va «Epizootiyaga qarshi tadbirlarni qayd etish» jurnali (№ 2-Vet.) yuritadi. Bu hujjatlar 4- kursning boshida konselyariya daftariga chiziladi va varaqlari raqamlanib ip o’tkazilgach, dekanatning muhri bilan tasdiqlanadi. Klinik kunlar va darslar paytlarida bajarilgan barcha klinik-davolash ishlari shu hujjatlarga qayd etilib boriladi.
Kundalikda har kuni bajarilgan barcha ishlar: yoppasiga o’tkaziladigan epizootik va veterinariya-sanitariya tadbirlari (degelmintizasiya, vaksinasiya, diagnostik tekshirishlar, dispanserizasiya, profilaktik va terapevtik ishlovlar, yuvish, dezinfeksiya, deratizasiya va h.z.) o’tkazilganda hayvonning turi, soni, preparat nomi, chiqarilgan vaqti, seriya va kontrol raqami, ish uslubi, dorini ulchash tartibi va ish natijasi to’liq aks ettiriladi. Ushbu tadbirlar takror o’tkazilgan hollarda faqat ishning turi va hajmi ko’rsatiladi.
Yuqumli va invazion kasalliklar uchoqlarida, yoppasiga uchraydigan zaharlanishlar, modda almashinuvi buzilishlari paytida ushbu kasalliklarni bartaraf etishning operativ rejasi tuziladi va bu rejada mazkur kasallik keng va batafsil tasvirlanishi kerak. Bunda kasallikning qachon paydo bo’lganligi, diagnozi, kasallangan hayvonlar soni, majburan suyilgan yoki o’lgan hayvonlar soni, emlangan va davolangan hayvonlar to’g’risidagi ma’lumotlar aks ettirilishi kerak. Kasalliklarni davolashda ishlatilgan dorilar va ularning ta’sir mexanizmlari va dozalari, kasallikning iqtisodiy zarari batafsil yoziladi.
Bulardan tashqari kundalikka dispanserlash tadbirlari, xirurgik tadbirlar, ekspertiza laboratoriyalari va go’sht kombinatlarida bajarilgan ishlar ham yozib borilishi kerak.
Kasal hayvonni qabul qilishda kundalikka faqat hayvon turi, diagnozi va shu ma’lumotlarning № 1 jurnalining qaysi sahifasida aks ettirilganligi ko’rsatilgan bo’lishi kerak.
Kundalikning oxirgi to’rtinchi ustuniga amaliyot rahbari o’zining ko’rsatmalarini yozib borishi kerak.