Pythonni mustaqil

8-bob: Kalit so‘zlar. keyword moduli
Bu bo‘limda Pythondagi kalit so‘zlar haqida qisqacha so‘z yuritish bilan birga keyword moduli haqida ham tushuncha berib o‘taman.
Kalit so‘zlar
False — yolg'on.

True — rost.

None — “bo‘sh” obyekt.

and – mantiqiy va.

with/as – kontekst menejeri.

assert – agar shart yolg‘on bo‘lsa, noodatiy holni ishga tushiradi.

break – takrorlanish tanasidan chiqish.

class – turli metod va atributlardan iborat foydalanuvchi tipi.

continue – takrorlanish tanasining keyingi takrorlanishiga o‘tish.

def – funksiyani e’lon qilish.

del – obyektni o‘chirish.

elif – aks holda, agar.

else – qarang: for/else va if/else.

except – noodatiy holatga o‘tish.

finally – try instruksiyasi bilan birgalikda, noodatiy holat yuzaga kelishi yoki kelmasligidan qat’iy nazar ko‘rsatmani bajaradi.

for – for takrorlanish operatori.

from – modul tarkibidan bir necha funksiyani import qilish.

global – funksiyaning tarkibida e’lon qilingan o‘zgaruvchini shu funksiyadan tashqarida ham qo‘llash imkonini beradi.

if – agar.

import – modulni import qilish.

in – tarkibida ekanligini tekshirish.

is – 2 ta obyekt xotiradagi bitta manzilga ko‘rsatmaga ega ekanligini tekshirish.

lambda – anonim (nomsiz) funksiyani e’lon qilish.

nonlocal – funksiya tarkibida e’lon qilingan o‘zgaruvchiga shu funksiyani o‘z ichiga olgan boshqa funksiyadan murojaat qilish imkonini beradi.

not – mantiqiy emas.

23

or – mantiqiy yoki.

pass – hech qanday amal bajarmaydigan ko‘rsatma.

raise – noodatiy holatni faollashtirish.

return – natijani qaytarish.

try – noodatiy holatlarni aniqlab, ko‘rsatmalarni bajarish.

while – while takrorlash operatori.

yield – funksiya-generatorni aniqlash.

keyword moduli

Umuman olganda, keywordni modul hisoblamaslik ham mumkin, ammo u: keyword.kwlist – barcha mavjud kalit so‘zlar ro‘yxatini o‘zida mujassam etadi; keyword.iskeyword(satr) – satrning kalit so‘z ekanligini tekshiradi.




24