Punktuatsiya

29. Qo‘shma gaplarning qismlari miqdoriga ko‘ra turlari qayd etilgan javobni toping. 
A. Murakkab qo‘shma gaplar, sodda qo‘shma gaplar 
V. Bir komponentli, ko‘p komponentli qo‘shma gaplar 
S. Ikki komponentli, ko‘p komponentli qo‘shma gaplar 
D. Bir necha ergash gapli qo‘shma gaplar, murakkab qo‘shma gaplar 
E. Bog‘langan qo‘shma gaplar, ergashgan qo‘shma gaplar 
30. Ikki komponentli qo‘shma gaplarning sintaktik aloqa xarakteriga ko‘ra turlari 
qayd etilgan qatorni aniqlang. 
A. Bir komponentli, ko‘p komponentli qo‘shma gaplar 
V. Tobe va teng munosabatdagi qo‘shma gaplar 
S. Bog‘langan qo‘shma gaplar, ergashgan qo‘shma gaplar, bog‘lovchisiz qo‘shma gaplar 
D. Bog‘langan qo‘shma gaplar, ergashgan qo‘shma gaplar 
E. Ikki komponentli, ko‘p komponentli qo‘shma gaplar
31. Teng bog‘lovchilarining qo‘shma gap tarkibida qo‘llanishiga ko‘ra turlari qayd 
etilgan javobni toping. 
A. Biriktiruv, zidlov, ayiruv bog‘lovchilari 
V. Takrorlanib qo‘llanadigan bog‘lovchilar, yakka qo‘llanadigan bog‘lovchilar
S. Biriktiruv, zidlov, ayiruv, inkor bog‘lovchilari 
D. Bog‘lovchi va bog‘lovchi vazifasida qo‘llanuvchi yuklamalar 
E. Sodda va murakkab bog‘lovchilar 
32. Bog‘langan qo‘shma gap qismlarini biriktiruvchi vositalar to‘g‘ri va aniq qayd 
etilgan qatorni aniqlang. 
A. Teng bog‘lovchilar va yuklamalar
V. Teng bog‘lovchilar va bog‘lovchi vazifasida qo‘llanuvchi yuklamalar 
S. Bog‘lovchilar va ular o‘rnida qo‘llanuvchi ayrim yuklamalar 
D. Biriktiruv, zidlov, ayiruv, inkor bog‘lovchilari 
E. Tenglanish munosabatini shakllantiruvchi bog‘lovchilar 
33. Bashorat bilan Tursunoy yugurib-elib etib keldilar-u, lekin Sof’ya Borisovna hali 
ham uyda yo‘q edi.(As.M) Ushbu qo‘shma gap qismlari qanday vosita yordamida birikkan? 
A. Zidlov bog‘lovchisi va bu bog‘lovchi vazifasida qo‘llangan yuklama yordamida 
V. Zidlov bog‘lovchisi yordamida 
S. Bog‘lovchi vazifasidagi yuklama yordamida 
D. Zidlov bog‘lovchisi va zidlik munosabati yordamida 
E. Zidlov bog‘lovchisi, -u yuklamasi va ohang yordamida