Пул маблағлари ва ҳисоб-китоблар ҳисоби

б) тўртинчи нусха қабул қилиш санасини кўрсатган ҳолда бухгалтер томонидан имзоланиб ва унга бириктирилган банкнинг муҳри билан тасдиқланиб маблағ олувчига қайтарилади;

2) бир шаҳар ичида ҳисоб-китоблар қилишда инкассо топшириқномалари бевосита тўловчининг банкига уч нусхада тақдим қилиниши мумкин, бунда:

а) биринчи ва иккинчи нусхалар ижро хужжатлари илова қилинган ҳолда ижро учун банкда қолдирилади;

б) учинчи нусха қабул қилиш санасини кўрсатган ҳолда бухгалтер томонидан имзоланиб ва унга бириктирилган банкнинг муҳри билан тасдиқланиб маблағ олувчига қайтарилади;

3) бошқа шаҳарлар билан ҳисоб-китоблар қилишда инкассо топшириқномалари фақат хизмат кўрсатувчи банкка уч нусхада тақдим қилинади, бунда:

а) биринчи ва иккинчи нусхалари ижро ҳужжатлари билан бирга почта орқали тўловчининг банкига бухгалтер томонидан имзо кўйилиб ва унга бириктирилган банкнинг муҳри билан тасдиқланиб, ҳужжатларни қабул қилиш санаси кўрсатилган ҳолда жўнатилади;

б) учинчи нусха қабул қилиш санасини кўрсатган ҳолда бухгалтер томонидан имзоланиб ва унга бириктирилган банкнинг муҳри билан тасдиқланиб маблағ олувчига қайтарилади.

АККРЕДИТИВЛАР БИЛАН ҲИСОБ-КИТОБЛАР

Ҳисоб-китобларнинг аккредитив шаклида, мижознинг (тўловчининг) топшириғига ва унинг кўрсатмасига мувофиқ аккредитив очган банк (банк-эмитент), ўз зиммасига унинг контрагенти-маблағ олувчи фойдасига тўловни амалга ошириш мажбуриятини ёки маблағ олувчи томонидан аккредитивда кўзда тутилган ҳужжатларни ва бошқа шартларни бажариш шарти билан ушбу тўловларни амалга ошириш бўйича ваколатларни бошқа банкка тақдим этишни ўз зиммасига олади.

Қопланган (депонентланган) аккредитивларни очишда банк-эмитент уни очишда мижознинг шахсий маблағларини ёки унга берилган кредитни банк-эмитентнинг мажбуриятлари амалда бўлган барча муддатга ижрочи банк ихтиёрига ўтказишга мажбурдир.

Қопланмаган аккредитивни очишда банк-эмитент ижрочи банкка банк-эмитентнинг ижрочи банкда юритилаётган счётидан барча аккредитив суммасини ҳисобдан чиқариш хуқуқини беради.