Pul, kredit

13.Iste’mol  krediti  –  u  jismoniy  shaxslarga  beriladigan  kredit  bo’lib  bunda 

kredit beruvchi sifatida  maxsus  kredit  muassasalari  bilan  birgalikda  savdo  va 

xizmatlarni sotishni amalga oshiradigan jismoniy shaxslar ham bo’lishi mum-

kin.  Iste’mol  krediti  ikki  shaklda:  pul  va  tovar  shaklida  amalga  oshadi.  Ular 

jumlasiga  mamlakatimizda  2001-2002  o’quv  yilidan  boshlab  talabalarni 

o’qishi uchun beriladigan “Oltin davrim” kreditini ham kiritish mumkin. 

14.Davlat krediti – uning asosiy xususiyati bo’lib kredit munosabatlarida dav-

latning ishtiroki hisoblanadi. Bunda davlat qarz beruvchi (Markaziy bank orqa-

li iqtisodiyotning turli sohalarini kreditlashda) va qarz oluvchi (Davlat zayom-

larini chiqarish, byudjet taqchilligini qoplashda va boshqalar) sifatida ishtirok 

etadi. 

 15.Tijorat krediti – bu iqtisodiyotda kredit munosabatlarining vujudga keli-

shining  dastlabki  kredit  shakllaridan  hisoblanadi.  Ushbu  kreditning  obyekti 

bo’lib sotiladigan tovarlar, subyekti bo’lib mol yetkazib beruvchi va mol sotib 

oluvchi korxona va tashkilotlar hisoblanadi. Tijorat kreditining quyidagi turlari 

mavjud: 

A)  veksel  –  bu  qarz  majburiyati  bo’lib,  qarz  oluvchi  o’z  zimmasiga 

qarzni  ko’rsatilgan  summada,  ko’rsatilgan  shartlarda,  belgilangan  muddatda 

to’lash  majburiyatini  oladi.  Amaliyotda  vekselning  oddiy  va  o’tkazma  turlari 

mavjud;