Publitsistik matnlarda siyasiy atamalarning qollanishi

 
 

---

- 26 - 
II BOB: Publitsistik nashrlarda siyosiy atamalar. 
 2.1. Ommabop uslub haqida. 
Ommaviy axborot vositalari uslubi publitsistik uslub sanaladi. Bu uslubning 
muhim xususiyati axborot berish va ta’sir qilish bo’lib, soddalilik, tushunarlilik, 
ta’sirchanlik, adabiy til me’yorlariga qat’iy amal qilishdir. 
Publitsistik uslubning ham og’zaki ham yozma shakllari mavjud. Radio-
televideniye uslubi publitsistik uslubning og’zaki shakliga, gazeta, jurnal uslubi 
esa yozma shakliga xosdir. Ayni paytda respublikamizda 696 ta gazeta, 260 ta 
jurnal, 4 ta axborot agentligi, 65 ta telestudiya, 36 ta radiostansiya faoliyat 
ko’rsatmoqda.
Publitsistik uslub jamiyat faol a’zosining ijtimoiy-siyosiy hayotga bo’lgan 
munosabatini ifodalaydi.
Har qanday jamiyatning u yoki bu faol a’zosi o’zi yashab turgan 
jamiyatning ijtimoiy-iqtisodiy, ijtimoiy-siyosiy va ijtimoiy-ma’daniy hayotiga 
befarq qaramaydi, ularga o’z munosabatini bildiradi. Bu munosabat til vositalari, 
ularning imkoniyatlari asosida o’z ifodasini topadi. Ana shunday munosabatini 
ifodalashni ta’minlash uchun xizmat qiladigan nutq ko’rinishlari publitsistik nutq 
hisoblanadi.