Публикации: ta'limning poydevori

ФИО авторов: Sharofat Aliyorova,
Surxondaryo viloyati, Sho'rchi tumanidagi 22-maktabning 1-toifali Boshlang'ich sinf o'qituvchisi

Название публикации: TA'LIMNING POYDEVORI

Bola ilk ma'lumot, ma'rifat va tarbiyani boshlong'ich sinf o'qituvchisidan oladi. O'qituvchi ta'lim beribgina qolmay, balki bolalarning dunyo qarashlarini shakllantiradi, ularning do'stlik, o'rtoqlik, birodarlik va milliy tuyg'ularni o'stiradi. Odobliaxloqli, shirinsuxan, madaniyatli qilib tarbiyalaydi. Eng muhimi, bolalarda o'qish, o'rganishga chinakam havasishtiyoq uyg'otuvchi, e'tiqod hosil qiluvchi ustoz sifatida alohida o'rin tutadi.

Boshlang'ich ta'limni adabiy-ta'lim poydevori, desak xato bo'lmaydi. O'qituvchi yiosh qalb egasining eng yaqin do'sti, yo'l ko'rsatuvchi murabbiysi hamda ma'naviy go'zallik timsolidir. Ilg'or tajriba go'yalar targ'ibotchisi bo'lgan ziyoli, ziyokor o'qituvchi eng ma'naviyatli, madaniyatli, inson bo'lib, bu fazilatlar ustozning yurish-turishida, kiyinishi va nutq madaniyatida o'z ifodasini topadi.
Boshlang'ich sinf o'quvchilarida, dars jarayonlarida, o'quvchilarda kitob ustida ishlash, adabiy materialni o'zlashtirish ko'nikmalari shakllantiriladi. O'qituvchi xilma-xil usullardan foydalanishi mumkin. Boshlang'ich sinf o'quvchilari kuzatuvchan, tez fikrlash xususiyatlariga ega. O'quvchilar e'tiboriga havola etiladigan she'rlar estetik zavq uyg'ota oladigan, badiiyligi yuksak na'munadir. I-IV-sinflarda adabiy materialni fanlararo foydalanib o'zlashtirish ham ta'limdagi samarali usul hisoblanadi. Ayniqsa, sahnalashtirilgan ko'rinishlarm musobaqam sayohat darslar uyushtirish natijasida milliy tarbiya berish o'quvchilardan ma'naviy sifatlarni shakllantish imkonini yuzaga keltiradi. BUnday izlanishlar o'qituvchining ijodkorligi, izlanuvchanligi natijasidagina samara keltiradi. Ya'ni o'qituvchining ishi yengillashadi, o'quvchining keyingi bilimlarni mustahkam o'zlashtirishiga tayyorlaydi.