Psixologiya pániniń predmeti hám rawajlaniiw tariyxi. Ulıwma psixologiyanıń predmeti hám wazıypaları

Psixikalıq jaǵdaylarǵa adamnıń ishki keshirmeleri, sezimleri, emociyası, dıqqatıń ózgeriwsheńligi, jaǵdayı qanaatlanıwı, qanaatlanbawshılıǵı, tınıshsızlanıwı, maqsetke erisiwi jolında qıyınshılıqtı jeńiwi yamasa zárúrlik, talaplardıń ámelge asırılıwındaǵı qanaatlanıw sezimlerdiń kórinisin kirgiziwge boladı.
Psixikalıq ózgeshelik individual ózgeshelik yamasa jeke ózgeshelikler dep te ataladı. Bir adamdı ekinshi adamnan ayırıp turatuǵın turaqlı psixikalıq ózgeshelikke aytıladı. Bular adamnıń qábileti, temperamenti, erk qásiyetleri, xarakteri, sezimleri, zárúrlikleri, motivaciyası, qızıǵıwı hám t.b.
Massalıq psixikalıq hádiyselerge joqarıda keltirip ótilgen processler, jaǵdaylar, ózgesheliklerdiń tek bir adamǵa tiyisli bolǵan hádiyseleri emes, al massalıq bir topar adamlardıń psixikalıq hádiyselerin óz ishine aladı. Bular moda, panika, mısh – mıshlar, ósek sózler, jámiyetlik pikirlerdiń óz aldına psixologiyanıń bir tarmaǵı bolǵan social psixologiya páni úyrenedi. Psixologiya páni tábiyattanıw hám filosofiya páni negizinde payda bolıp, búgingi kúnge shekem onı gumanitar yamasa tábiyiy pánler qatarına kirgiziw qıyın, biraq eki taraw boyınsha toplanǵan maǵlıwmatlar hám nızamlılıqlardıń birlesiwi nátiyjesi dep aytıwǵa boladı. Psixologiya gumanitar hám sociallıq bilimler quramına kirgen menen ol óz aldına ǵárezsiz pán esaplanadı.
2.Ulıwma psixologiya pániniń tariyxı hám rawajlanıw basqıshları.
Psixologiya páni hár qanday pán sıyaqlı óz aldına belgili rawajlanıw jolın basıp ótti. Psixologiya tariyxı menen tanısa otırıp biz insan hám haywanlar psixikalıq turmısın úyreniwge bolǵan qızıǵıwshılıqlar, umtılıwlar, pán sıpatında adamlar turmısınıń hár bir tariyxıy basqıshlarında psixologiya tariyxı pán hám mádeniyattıń ulıwma rawajlanıwı menen psixologiyalıq bilimler tarawı keńeyip barǵanlıǵı hám dáslep jeke bolǵan psixologiya tarawı qanday jollar menen rawajlanıp, psixologiyanıń pútkil bir pánler sisteması dárejesine kóterilgenligi haqqında tariyxıy derekler arqalı maǵlıwmat alamız. Sonday – aq, psixologiya tariyxın úyrene otırıp ulıwma psixologiyanıń predmeti bolǵan psixika haqqında jáne de tereń hám anıq bilimge múmkinshilik jaratqan bolamız. Psixologiya kóp ásirlik tariyxqa iye birinshi ilimiy kózqaraslar biziń eramızǵa shekemgi VI ásirde payda boldı. Psixologiya tariyxı eki úlken dáwirge bólinedi.