Psixologiya kafedrasi umumiy pedagogika nazariyasi va amaliyoti

Mustaqil ishlarni tashkil etishning shakli va mazmuni

Talabalar mustaqil ishlarining asosiy maqsadi – fan o’qituvchisi rahbarligi va nazorati ostida talabalar tomonidan muayyan mavzularni mustaqil o’rganish, o’zlashtirilgan nazariy bilimlarni yanada boyitish, ularni amaliyotda qo’llay olish ko’nikma-malakalarni hosil qilish, rivojlantirishdan iborat.

Fan yuzasidan mustaqil ishlarni tashkil etishda har bir talabaning bilim, ko’nikma va malakalarni o’zlashtirish darajasi, qobiliyati inobatga olinadi. Talabalarning mustaqil ishlari quyidagi shakllarda tashkil etiladi:

- ayrim nazariy mavzularni o’quv adabiyotlari yordamida mustaqil o’zlashtirish;

- berilgan mavzu bo’yicha referat tayyorlash;

- nazariy bilimlarni amaliyotda qo’llash;

- seminar, laboratoriya mashg’ulotlari, talabalarning fan olimpiadalari va konferensiyalariga tayyorgarlik ko’rish;

- maket, sxema, jadval, ilmiy maqola, texnologik pasport va xarita tayyorlash.

- o’zlashtirilgan bilimlarga tayangan holda muayyan mavzular mohiyatini yorituvchi maketlar, modellar, ijodiy ishlarni yaratish, ilmiy maqolalar, nashr ishlarida chop etilgan pedagogik mazmundagi maqolalar yuzasidan taqrizlar yozish, mualliflik dasturlari, ilmiy loyihalar, dars ishlanmalari, ma’naviy-ma’rifiy ishlarning ssenariylarini tayyorlash.

Talabalarning mustaqil ishlarini nazorat qilish o’quv mashg’ulotlarini olib boradigan o’qituvchi tomonidan amalga oshiriladi. Fan bo’yicha mustaqil ish topshiriqlari tegishli kafedra professori tomonidan o’quv mashg’ulotini bevosita olib boruvchi o’qituvchi bilan birgalikda ishlab chiqilib, kafedra mudiri tomonidan tasdiqlanadi.

Mustaqil ishni bajarishda talabalar uchun darslik va o’quv qo’llanmalar, metodik qo’llanmalar, ko’rsatmalar, ma’lumotlar to’plami, ilmiy va ommaviy davriy nashrlar, Internet tarmog’i ma’lumotlari, berilgan mavzu bo’yicha avval bajarilgan ishlar banki va boshqalar axborot manbasi bo’lib xizmat qiladi.

“Pedagogik mahorat” fani bo’yicha talabalarning e’tiborlariga mustaqil ishlarning quyidagi mavzulari tavsiya qilinadi:

2. 
   Pedagogik mahorat haqida tushuncha, uning o’qituvchi faoliyatida tutgan o’rni va ahamiyati.
   
3. 
   Pedagogik fikr tarixi va maktab amaliyotida o’qituvchi mahorati masalalari.
   
4. 
   O’qituvchi faoliyatida pedagogik qobiliyat.
   
5. 
   Pedagogik boshqaruv mahorati.
   
6. 
   O’qituvchining kommunikativ qobiliyati.
   
7. 
   Pedagogik odob va pedagogik nazokat.
   
8. 
   Pedagogik texnika.
   
9. 
   Nutq texnikasi.
   
10. 
    Nutq madaniyati, notiqlik san’ati va omma (o’quvchilar) oldida nutq so’zlash.
    
11. 
    O’qituvchi va o’quvchi hamkorligi (pedagogik hamkorlik).
    
12. 
    Pedagogik nizolar va ularga oqilona yondashuv.
    
13. 
    Ta’lim va tarbiya jarayonlarida muvaffaqiyatli vaziyatlarni yaratish.
    
14. 
    Pedagogik faoliyatni ilmiy asosda tashkil etish.
    
15. 
    Pedagogik faoliyatni tashkil etishga ijodiy yondashish va pedagogik tajriba to’plash.
    

“Umumiy pedagogika nazariyasi va amaliyoti” fanidan mustaqil ishning barcha mavzularini qamrab olgan va quyidagi mavzular ko’rinishida shakllantirilgan.