Psixologiya kafedrasi umumiy pedagogika nazariyasi va amaliyoti

Buni yodda saqlang! Prezident Islom Karimov «O’zbekistonning o’z istiqlol va tarakqiyot yo’li» asarida ma’naviyat jamiyat taraqqiyoti poydevori ekanligiga kishilar e’tiborini tortdi.

O’sha asarda yo’lboshchimiz tomonidan uqtirilishicha, «Ma’naviyat turli xalqlar va mamlakat kishilarini qon-qardosh qiladi. Ularning taqdirini o’zaro hurmat asosida yaqinlashtiradi», «Uni o’lchab ham, poyoniga yetib bo’lmaydi. U inson uchun butun bir olam», «Ma’naviyat insonga havodek, suvdek zarur», «Ma’naviyat insonning, xalqning, jamiyatning, davlatning kuch-qudratidir. U yo’q joyda hyech qachon baxt-saodat bo’lmaydi», «Ma’iaviyatni mustahkamlash uchun mehnat va mablag’ini ayash o’z kelajagiga bolta urush demakdir».

Anglab oling! Agar dunyoda biron-bir muqaddas, abadiy va hayotiy tuyg’u bo’lsa – bu har bir xalq va millatning milliy ongidir, milliy o’zlikni anglashdir. Millin o’zlikni anglashning birinchi belgisi – milliy tildir.

Shaxs ma’naviy kamolotining zarur shartlaridan biri – o’z ona tilini bilishdir. Har bir insonning madaniy, ma’rifiy-mafkuraviy va ma’naviy saviyasi uning o’z ona tilini qanchalik mukammal bilishi bilan belgilanadi.

Eslab qoling! Til – xalqning, millatning qalbidir. Millat uchun til nihoyatda ulug’ va mo’tabar, betakror, betimsol boylikdir. Til – millat tirikligining, uning yashab turganligi va faoliyat ko’rsatayotganligining asosidir. Til –xalq ma’naviy hayotining asosidir.

Eslab qoling! Milliy g’urur va o’zlikni anglash – bu millatga mansublikni anglash, o’z xalqi an’analariga, qadriyatlariga, madaniyatiga, ona tiliga sodiqlikdir.

Qahramon shoir Abdulla Oripov insonning ona tili uning milliy g’ururi ekanligini quyidagi misralarda bayon etadi:

Martabang unutsang mayliga unut,

Maktabing unutsang mayliga unut.

Lekin unutsangchi ona tilingni,

Zaharga aylansin onang bergan sut.